Posted: 07/24/2012 06:55 PM IST

కొత్త రాష్ట్రపతి ప్రణబ్  గురించి మనకు తెలిసిందే .. ఆర్థిక శాఖ మంత్రిగా మాత్రమే తెలుసు. ఆయన వ్యక్తిగత విషయాలు ఇప్పటివరకు ఎవ్వరికి తెలియావు. కానీ మన ప్రణబ్ కూడా  ఆకతాయేనని తన కుటుంబ సభ్యులు చెబుతున్నారు.  రాష్ర్టపతిగా ఎన్నికైన ప్రణబ్‌ ముఖర్జీ బాల్యంలో బడికి వెళ్లేందుకు ఇష్టపడలేదని, కాని అర్చకునిగా ఉండేం దుకు ఇష్టపడేవాడని ఆయన పెద్ద సోదరి అన్నపూర్ణా బెనర్జీ వెల్లడించారు. ‘మా గ్రామం మిరటిలో ప్రాథమిక పాఠశాలకు వెళ్లడాని కి అతను ఎప్పుడూ విముఖంగా ఉండేవాడు. అతనిని బడికి తీసుకువెళ్లడం కష్టంగా ఉండేది. అతనిని బాగా కొట్టేవారు. ఒకసారి మా అమ్మగారు అతనిని ఎంతగా కొట్టారంటే అతను స్పృ హ తప్పిపోయాడు.అయినా బడికి వెళ్లేవాడు కాదు. కారణం నాకు తెలి యదు’ అని 83 ఏళ్ల అన్నపూర్ణ పశ్చిమ బెంగాల్‌ బీర్భుమ్‌ జిల్లాలోని చిన్న పట్టణం కిర్నహార్‌లో తన ఇంటిలో కూర్చుని మీడియాతో చెప్పారు.

ప్రణబ్‌ పూర్వీకుల గ్రామం మిరటికి పొరుగునే ఉన్న కిర్నహార్‌ రాష్ర్ట రాజధాని కోలకతాకు దాదాపు 170 కిలో మీటర్ల దూరంలో ఉంది. ‘అసలు చదవాలనే ఉద్దేశం ఉందా అని అతనిని మా నాన్నగారు (కామదా కుమార్‌ ముఖర్జీ) అడిగారు.‘నన్ను కిర్నహార్‌ శివ్‌ చంద్ర బాలుర పాఠశాలలో చేర్పించండి’ అని ప్రణబ్‌ చెప్పాడు. అప్పుడు మా నాన్నగారు అక్క డ ప్రధానోపాధ్యాయునితో మాట్లాడి అతనిని చేర్పించారు’ అని అన్నపూ ర్ణ తెలియజేశారు. బాల్యం నుంచి కూడా ప్రణబ్‌కు ధార్మిక చింతన ఎక్కు వగా ఉండేదని, పూజలు చేయడంపై మక్కువ ఉండేదని ఆమె తెలిపారు. ‘నబన్న పూజ (శరదృతువులో కొత్త బియ్యపు అన్నం భుజించే పండుగ) సమయంలో అతను మా నాన్నగారు నిర్వహించే తంతును ఆసక్తితో గమనిస్తుండేవాడు. ఆ తరువాత ఇంటి దేవతకు తాజా పండ్లు, చెరకు రసం నైవేద్యంగా సమర్పిస్తుండేవాడు. ఆతరువాత అతను వెదురు కర్రలు, రాళ్లతో ఒక గది తయారు చేసి, అక్కడ దేవతా ప్రతిమను ఉంచి పూజ చేసేవాడు’ అని ఆమె వివరించారు. ఇప్పటి వరకు ప్రణబ్‌ ఏటా దుర్గా పూజ రోజుల్లో మిరటికి వచ్చి నాలుగు రోజుల పాటు అర్చక పాత్ర పోషిస్తుంటారు. అయితే, తన తమ్ముడు రాజకీయ జీవితంలో ఎంత కఠిన వైఖరి అవలంబిస్తున్నా పిల్లలతో మాత్రం చాలా సరదాగా గడుపుతుంటా డని అన్నపూర్ణ తెలిపారు.