Posted: 03/03/2013 03:00 PM IST

కోట్లు ఖర్చుపెట్టి సినిమా తీస్తే చిన్న విషయాన్ని దేన్నో పట్టుకుని కోర్టుకీడ్చి రభస చెయ్యటానకి పటిష్టమైన వర్గ సంఘాలు చాలా ఉన్నాయి.  సినిమాలో ఏముందో తెలియదు కానీ ఏదేదో ఊహించేసుకుని ప్రదర్శనను నిలిపివేయాలని కోరుతూ న్యాయస్థానాలకు వెళ్ళటం నిజంగా నిర్మాత, దర్శకుడు, నటీనట వర్గాలకు నిరాశ కలిగించి నీరు కార్చే విధానాలే.  వినోదాన్ని వినోదంలా తీసుకోకుండా రచ్చ చెయ్యటం మీద సినీ పరిశ్రమలో గుబులు బయలుదేరింది.  విశ్వవ్యాప్తంగా ఎంతో ఆదరణ ఉన్న కమల హాసన్ అంతటి వాడికే విశ్వరూపంలో చికాకులు తప్పలేదు. మంచు విష్ణు హీరోగా వచ్చిన  దైనికైనా రెడీ తో ఢీ అన్నారు కొన్ని వర్గాల వారు. 

ఇలాంటి నేపథ్యంలో గొల్లభామ అనే పేరు వినటానికి బావున్నా, వినగానే నచ్చేసినా, ఆ పేరు చూసి ఎంత మంది విరుచుకు పడతారో అనే సందేహాలతో సతమతమవుతున్నారు ఆ పేరుతో సినిమా తీద్దామనుకున్న నిర్మాతలు.  పైగా అది మెగా స్టార్ చిరంజీవి తమ్ముడు నాగబాబు కుమారుడు వరుణ్ తేజను సినీ ప్రేక్షకులకు పరిచయం చేసే సినిమా కావటంతో మరేదానా పేరు పెట్టుకుందామని వెదుకుతున్నారు.