Posted: 03/04/2013 04:26 PM IST

విశ్వరూపం  సినిమా  ఎన్నో వివాదాల సుడిలో చిక్కుకొన్న విషయం తెలిసిందే. ఆ సినిమా పై ఆర్థికంగా దెబ్బతిన్న కమల్ హసన్ కు .. కోలీవుడ్  సూపర్ స్టార్  రజనీకాంత్  సపోర్టుగా నిలిచిన  విషయం తెలిసిందే. అయితే ఇప్పుడిప్పుడే   కమల్ హాసన్  కొలుకుంటున్నారు.  విశ్వరూపం  సినిమా కోసం  తాకట్టు పెట్టిన  ఇంటిని  తిరిగి స్వాధీనం  చేసుకున్నట్లు   ఆయన చెప్పారు.  విశ్వరూపం సినిమా కోసం  తన ఇంటిని  కాట్టు పెట్టానని,  ఈ సినిమా  విడుదల కాకపోతే  ఇంటిని కోల్పోయి  తాను దేశాన్ని విడిచి వెళ్లిపోతానని  ఆవేదన మీడియా చెప్పిన విషయం తెలిసిందే.  ఆ సందర్బంలో  కమల్ హాసన్  కోసం అభిమానులు సైతం చెక్ రూపంలో మని పంపించటం జరిగింది.  ఆర్థికంగా  కమల్  ఆదుకోవటానికి  రజనీకాంత్  ముందుకు వచ్చి.. ఒక సినిమాను ఉచితంగా చేసిపెడతానని  చెప్పటంతో.. కమల్ హాసన్ కు కొండంత బలం వచ్చింది. అయితే  విశ్వరూపం సినిమా  విడుదలై  ఘనవిజయం  సాధించింది.  విశ్వరూపం  భారీ వసూళ్లే సాధించడంతో.. కమల్  హాసన్   జాతీయ బ్యాంకులో  పెట్టిన తన ఇంటిని  తిరిగి స్వాధీనం  చేసుకున్నారు.  అయితే  కమల్  విశ్వరూపం సినిమా ద్వారా ఒక జీవిత పాఠం నేర్చుకున్నానని చెబుతున్నారు.