Posted: 03/04/2013 04:38 PM IST

వైఎస్ఆర్ కాంగ్రెస్ పార్టీ  నాయకురాలు  అయిన  వైఎస్  షర్మిల రాష్ట్రంలో  పాదయాత్ర చేస్తున్న విషయం తెలిసిందే.  షర్మిల చేస్తున్న పాదయాత్రలో   రాజకీయ పార్టీలపై మాటల తూటాలు పేల్చుతున్నారు. ఇప్పడు  వైఎస్ఆర్ కాంగ్రెస్ పార్టీ పై  బిజేపి నాయకులు మండిపడుతున్నారు.  దివంగత  ముఖ్యమంత్రి వైఎస్  రాజశేఖర రెడ్డి అల్లుడు  బ్రదర్  అనిల్ పై  భారతీయ జనతా పార్టీ రాష్ట్ర శాఖ  మరోసారి విరుచుకుపడింది.  గత కొంతకాలంగా అనిల్ అక్రమ  ఆస్తులపై  వరుసగా  ఆరోపణలు గుప్పిస్తున్న పార్టీ  అధికార ప్రతిని  ఎన్ వి ఎస్ ఎస్  ప్రభాకర్  కొత్త విమర్శలు చేశారు.  గతంలో అనిల్ , ఆయన భార్య షర్మిల  వివిధ కంపెనీలలో  పెట్టిన  పెట్టుబడులపై  తాను చేసిన  ఆరోపణలను వారు ఖండించకపోవడమే  అక్రమాలకు  నిదర్శమన్నారు.  బినామీ కంపెనీల పేర్లు  బయటకు వస్తాయనే ఇలా మౌనం పాటించారని  ఆయన అన్నారు.    రక్షణ స్టీల్స్,  రక్షణ సిమెంట్స్ , అమోదా ప్రింట్స్  ప్రైవేట్ లిమిటెడ్ లాంటి  అనేక బినామీ కంపెనీలలో అనికల్ కు  ఆస్తులున్నాయన్నారు.  అంతేకాకుంగా  బెనెడెటా కంపెనీ  జనరల్  మేనేజర్  భద్రారెడ్డి  ఆత్మహత్యపై  అనేక  అనుమానాలున్నాయని, దానిపై  ప్రభుత్వం  విచారణ  జరిపించాలని  ఆయన డిమాండ్  చేశారు.

 రాష్ట్రంలో  పాదయాత్ర పేరుతో  ఎవరి కారులో తిరుగుతున్నారని  బిజేపి నాయకులు  అడుగుతున్నారు.  బెనెడెటా  ఇండియా లిమిటెడ్  కంపెనీ  షేర్ మీద  ఉన్న ఆడి కారును  షర్మిలా ఎలా వాడుకుంటున్నారని  ఆయన ప్రశ్నించారు.  రక్షణ స్టీల్స్  తనది కాదని  అనిల్ చెప్పినా.. అందులో పని చేసే కొండల్ రావు  బినామీ  అవతారంలో  అనిల్ కు  సహకరించారన్నారు.  ఆ సంస్థ కార్యకాలపాలలో  కొండల్ రావు  ప్రధాన పాత్ర  పోషించారని , ఆయన శ్రీమతి ఇతర కంపెనీలలో పెట్టుబడులు పెట్టినట్లు తెలుస్తోంది. అంతేకాకుండా కొండలరావు   భార్య,  షర్మిల  కలసి వ్యాపారాలు  చేస్తున్నారన్నారు.   పాపులను శిక్షించడమే ఈ దేశ  సంప్రదాయం అని, అయితే పాపులను సైతం  దేవుడు రక్షిస్తాడని  ప్రచారం చేసే  బ్రదర్ అనిల్   దిల్ సుఖ్ నగర్ బాంబు పేలుళ్లలో మరణించిన వారి కుటుంబాలను, గాయపడిన  వారిని ఎందుకు  సందర్శించలేదని   బిజేపి నాయకులు అడుగుతున్నారు.