తాప్సీ కి మొగుడు ఫుల్ సపోర్టు

Posted: 07/11/2013 12:31 AM IST

సినిమా ఇండస్ట్రీలో ఓ వింత పరిస్థితి ఉంది. అదేంటంటే... ఇండస్ట్రీకి వచ్చిన హీరోలకు ఒకటి రెండు సినిమా ప్లాప్ అయినా అవకాశాలు మాత్రం వస్తుంటాయి. అదే హీరోయిన్ పరిస్థితి భిన్నం. కెరియర్ మొదట్లో ఒకటి రెండు సినిమాలు ప్లాప్ అయితే వారికి అవకాశాలు రాకపోగా వారికి ఐరెన్ లగ్ అనే ట్యాగ్ ని తగిలిస్తారు. ఇలాంటి ట్యాగ్ నే తెల్లపిల్ల తాప్సీకి తగిలించారు సినిమా ఇండస్ట్రీ వారు. తెల్లపిల్ల ఇండస్ట్రీకి వచ్చి చాలా రోజులే అయినా ఇంత వరకు సరైన హిట్ లేదు. కానీ ఈమె అందాలకు దాసోహం అయిన తెలుగు దర్శక, నిర్మాతలు అమ్మడుకి ‘సాహసం ’ చేసి అవకాశాలు బాగానే ఇస్తున్నారు. త్వరలో ఈ అమ్మడు గోపీచంద్ సరసన నటించిన ‘సాహసం ’ సినిమా విడుదల కాబోతుంది. ఈ సినిమా పై ఒక్క తాప్సీనే కాకుండా హీరో గోపీచంద్ కూడా బోలెడన్ని ఆశలు పెట్టుకున్నాడు. ఇటీవల  ఈ సినిమా గురించి ఓ ఇంటర్యూ ఇచ్చిన గోపీచంద్ తాప్సీకి ఫుల్ సపోర్ట్ ఇస్తూ మాట్లాడాడు. హీరోయిన్లు కొన్ని ఫ్లాపులు చవిచూసినా తర్వాత సక్సెస్‌ అవుతున్నారని, ఈమధ్య కొందరు హీరోయిన్లు అలా సక్సెస్‌ అయి చూపించారని, సినిమా బాగుంటే ఇవేమీ అడ్డు కావని, తప్పకుండా విజయం దక్కుతుందని గోపీచంద్‌ పేర్కొన్నాడు. ఈసారి తమ ఇద్దరికీ విజయం దక్కుతుందనే ఆశిస్తున్నానని గోపీచంద్‌ అన్నాడు. అసలే ప్లాపులతో సతమతం అవుతున్న వీరిద్దరు ఒకరినొకరు సపోర్ట్ ఇచ్చుకుంటున్నారని జనాలు అంటుంటే.... సిని జనాలు మాత్రం తాప్సీకి మొగుడి సపోర్టు బాగానే ఉందని అంటున్నారు.