సింగం యముడు-2 ప్రివ్యూ

Posted: 07/05/2013 11:54 AM IST

తమిళ స్టార్ హీరో సూర్య , అనుష్క జంటగా నటించిన ‘సింగం ’ సినిమా సూపర్ హిట్ అయిన విషయం తెలిసిందే. ఇప్పడు అదే సినిమాకు అదే కాంబినేషన్లో  సీక్వెల్ గా ‘సింగం-2 ’ రూపొందింది. ఈ చిత్రం తెలుగులో ‘సింగం ’ (యముడు-2) పేరుతో విడుదల అవుతుంది. ఈ సినిమా అన్ని కార్యక్రమాలు పూర్తి చేసుకొని నేడు విడుదల కు సిద్ధం అయింది. ‘యముడు ’ సినిమాలో పవర్ పోలీస్ ఆఫీసర్ గా నటించిన సూర్య ఇందులో కూడా అదే పాత్రను పోషించాడు. ఈ సినిమా యముడు లాగే ప్రేక్షకుల్ని అలరిస్తుందో లేదో ఓ సారి ప్రివ్యూ ద్వారా చూద్దాం.

కథ : నరసింహం (సూర్య) బాధ్యతాయుతమైన పోలీసు అధికారి. జనక్షేమం కోసం ఎంతటివాళ్లనైనా ఎదిరిస్తాడు. తన వూరంటే ఎంతో ఇష్టం. సొంతూరిలో పని చేస్తూ కొన్ని పరిస్థితుల వల్ల గోవాకి వెళతాడు. అక్కడ కూడా అక్రమార్కుల భరతంపడతాడు. ఈసారి నరసింహం ఎందుకు విదేశాలకు వెళ్లాల్సొచ్చింది. మరి అక్కడ ఎలాంటి సవాళ్లు ఎదురయ్యాయన్నది తెరపైనే చూడాలి.

ఇక ఈ చిత్రం గురించి సూర్య మాట్లాడుతూ...యముడు సినిమా ప్రేక్షకుల్ని ఎంతగా అలరించిందో ఈ సినిమా కూడా అంతే అలరిస్తుంది. ఇందులో నేను చేసిన పాత్ర పలువురు పోలీసు అధికారుల జీవితాన్ని పరిశీలించి నటించాడు. ఈ పాత్ర ఖాకీ డ్రెస్సుకు గౌరవం తెచ్చే పాత్ర అవుతుందని చెప్పుకొచ్చాడు. మరి కొద్ది సేపట్లో ఈ సినిమాకు సంబంధించిన పూర్తి రివ్యూని అందిస్తాం.