Posted: 07/12/2013 10:36 AM IST

క్యారెక్టర్ ఆర్టిస్టు నుండి హీరో వరకు అన్ని రోల్స్ పోషించి, మంచి మాస్ హీరోగా పేరు తెచ్చుకున్న గోపీచంద్ తో ఐతే, అనుకోకుండా ఒకరోజు, ప్రయాణం వంటి విభిన్న కథా చిత్రాలు చేసి మంచి దర్శకుడిగా పేరు తెచ్చుకున్న దర్శకుడు చంద్రశేఖర్ ఏలేటి గోపీచంద్ తో ఎంతో ‘సాహసం ’ చేసి సినిమా తీశాడు. గత కొన్ని రోజుల నుండి సరైన హిట్ లేక సతమతం అవుతున్న ఈ ఇద్దరు ఎలాగైనా హిట్టు కొట్టాలనే ఉద్దేశ్యంతో భారీ సాహసమే చేశారు. గత కొన్ని రోజుల నుండి వాయిదాలు పడుతున్న ఈ చిత్రం నేడు ప్రేక్షకుల మందుకు రాబోతుంది. ఈ సినిమాకు సంబంధించి ప్రివ్యూ ఓసారి చూద్దాం.

కథ :  ఓ సంస్థలో సెక్యురిటీ గార్డ్‌ గా పనిచేసే గౌతమ్‌ వర్మ (గోపీచంద్‌) తన జీతానికి తగినట్లు కాకుండా,   రాత్రికి రాత్నే రాత్రే కోటీశ్వరుడు కావాలి, ఖరీదైన జీవితం గడపాలని కలలు కంటుంటాడు. సెక్యూరిటీ గార్డు జాబ్ కి వచ్చిన జీతంతో లాటరీలు కొనడం హాబీ. అనుకోకుండా ఓసారి తన పూర్వీకుల గురించి తెలుస్తుంది. వాళ్లకు సంబంధించిన ఆస్తులు ఓ చోట నిక్షిప్తమై ఉంటాయి. అయితే ఆ చోటుకి చేరుకోవడం తేలికైన విషయం కాదు. అందుకోసం గౌతమ్‌ ఎన్ని సాహసాలు చేశాడనేదే ఈ చిత్ర కథ. మరోవైపు శ్రీనిధి (తాప్సి)కి దైవభక్తి ఎక్కువ. ఈ ప్రపంచం అంతమైపోతుందని నమ్ముతూ, ఈలోగా జీవితాన్ని ఆనందంగా గడిపేయాలి అనుకొంటుంది. విరుద్ధ భావాలు కలిగిన వీరిద్దరూ ఎలా ప్రయాణం ఎన్ని సాహసాలు చేస్తే సుఖాంతం అవుతుందనేదే కథ. ఈ సినిమాకు సంబంధించిన రివ్యూని కాసేపట్లో మీకు అందిస్తారం.