అందరినీ సంతోషపెట్టాలి కానీ..,

Posted: 08/17/2014 11:53 AM IST

బుల్లి తెరపై ఓ వెలుగు వెలిగి ఇప్పుడు వెండి తెరపై కూడా వేస్తున్న అలరిస్తున్న నటి ఉదయభాను. ఇరవై ఏళ్ళుగా పాటు టీవీ స్క్రీన్ పై భానును చూస్తున్నా.., ఇప్పటికి ఆదరణ తగ్గటం లేదు. నాటి నుంచి నేటి వరకు చిన్న తెరపై క్రేజ్ తగ్గని అతి తక్కువ ముద్దుగుమ్మల్లో ఒకరిగా నిలిచింది. అయితే తన టాలెంట్ ను వెండితెరకు కూడా పరిచయం చేసి అక్కడా తనకంటూ ఒక ప్లేస్ సెట్ చేసుకుంది. సినిమాల్లో కూడా ప్రేక్షకులు బాగానే ఆదరిస్తున్నారు. దీంతో యాంకర్ కమ్ హీరోయిన్ అటు టీవీలు, ఇటు సినిమాల్లో క్షణం తీరిక లేకుండా గడుపుతోంది. మొదట్లోనే తగిలిన గాయాలతో ఇప్పుడు తనకు వచ్చే సినిమా ఆఫర్లను జాగ్రత్తగా ఎంపిక చేసుకుంటోంది. కొన్ని పాత్రలయితే అసలు చేయనని తెగేసి చెప్తోంది.

మొదట్లో పాపులారిటీ, గుర్తింపు కోసం ఐటం సాంగ్ చేసిన ఉదయభాను ఇప్పుడు స్వయంగా హీరోయిన్ గా సినిమాలు చేస్తోంది. మధుమతి సినిమా తర్వాత చేతిలో కొన్ని సినిమాలున్నట్లు కూడా చెప్తోంది. అయితే తనకు వచ్చే ఆఫర్ల పాత్రలు పూర్తిగా తెలుసుకున్నాకే, సినిమాకు ఒప్పుకుంటున్నట్లు చెప్తోంది. ఇక దెయ్యం పాత్రలుండే సినిమాలయితే ససేమిరా అంటోంది. ఎందుకంటే.., జుట్టు విరబోసుకుని, తెల్ల ముహంతో ప్రేక్షకులను భయపెట్టడం తనకిష్టం లేదంటోంది. తనను చూడగానే మొహంపై నవ్వు, సంతోషం వచ్చే పాత్రలయితే ఓకే అని చెప్తుందట. ఇప్పటికే తన దగ్గరకు వచ్చిన కొన్ని దెయ్యం కధలకు ఓ స్ర్తీ రేపు రా! అని బోర్డు పెట్టేసిందట. గ్లామర్ పాత్రలయినా సరే కానీ.., గోస్ట్ క్యారెక్టర్ అయితే నో అని తెగేసి చెప్తోంది.

ఇక తనను పాపులర్ చేసిన టీవీ స్ర్కీన్ ను మాత్రం మధుమతి ఎప్పటికి వదలనంటోంది. ఇందుకో మెసేజ్ కూడా ఇస్తోంది. మనం చేసే వృత్తిని ప్రేమిస్తే, ఉన్నత శిఖరాలకు చేరుకుంటామని చెప్తోంది. తాను యాంకరింగ్ ను అంతగా ఇష్టపడటం వల్లే.., ఇప్పుడీ స్థాయికి ఎదిగానని చెప్తోంది. ఇంతటి గుర్తింపు తెచ్చిన యాంకరింగ్ ను వదులుకోనని భాను స్పష్టం చేస్తోంది. తనకు యాంకరింగ్ అంటే ఇష్టమని.., అయితే సినిమాలపై ఆసక్తి ఉందని రెండు పడవలపై కాలుపెడుతోంది. ఇప్పటివరకు చేసిన సినిమా క్యారెక్టర్లు తనను సాటిస్ఫై చేయలేదట. అందుకే ఇకపై విభిన్నమైన పాత్రలు చేయటానికి ఆసక్తి చూపుతుందట. అయితే యాంకరింగ్ ను మానేయనంటోంది. మరింతకాలం తెలుగు టీవీ ప్రేక్షకులు తనను ఆదరిస్తారని గట్టి విశ్వాసంతో ఉంది ఉదయభాను.

 

 

కార్తిక్