గోవా గుమ్మ గుడ్ బై చెప్పిందా?

Posted: 08/18/2014 03:10 PM IST

తెలుగు సినిమా తెరకు గ్లామర్ పరిచయం చేసిన హీరోయిన్లు ఎందరో ఉన్నారు. అయితే అందర్లోకి ఇలియానా మాత్రం సమ్ థింగ్ స్పెషల్. సన్నని శరీరంతో.., అందమైన నడము.., ఆపై వర్ణించలేని హొయలతో హీటెక్కించిది ఇల్లీభామ. తన నటనతోనే యువతకు కిక్కు ఎక్కించింది. తొలి సినిమాతో మొదలయిన క్రేజ్ ఇప్పటికి కొనసాగుతోంది. ఇంత క్రేజ్ ఉంది కాబట్టే ఈ గోవా భామకు సినిమాకు కోటి సమర్పించుకోవటానికి సిద్దపడ్డారు నిర్మాతలు. తెలుగులో హీరోలకే పరిమితమైన కోటిని హీరోయిన్ల హక్కుగా చేసిందీ భామ. అయితే ఇప్పుడీ అమ్మడు అభిమానులకు షాకులాంటి వార్త చెప్పింది. తానింక తెలుగు సినిమాలో నటించనని తెగేసి చెప్పింది. ఇంతకీ ఇలియానా చెప్పింది నిజమేనా? ఎందుకిలా చేస్తోంది.

టాలీవుడ్ కు ఇక బై బై గుడ్ బై అని స్వయంగా ఇల్లినే ప్రకటించేసుకుంది. దీనిపై టాలీవుడ్ లో పెద్ద చర్చే నడుస్తోంది. తెలుగు ఇండస్ర్టీ అంటే తనకు తెగ ఇష్టమనే ఈ ముద్దుగుమ్మ, బాలీవుడ్ లో పర్మనెంట్ గా సెటిలవుతుదని టాక్ విన్పిస్తోంది. ఇప్పటికే బాలివుడ్ లో మూడు సినిమాలు చేసింది. మరో సినిమా త్వరలో విడుదల కానుంది. ఇంకా ఆఫర్లను పరిశీలిస్తోంది. దీనికి తోడు ఈ మద్య హాట్ ఫొటో షూట్ ఒకటి ఇచ్చింది. ఈ దెబ్బో ఇల్లీ ఉండే గల్లీకి నిర్మాతలు, డైరెక్టర్లతో పాటు యాడ్ కంపనీలు కూడా క్యూ కడుతున్నాయి. ఇంకేం లెక్కలేనంత పని దొరికింది. దీంతో ముందు వచ్చిన ముక్కు కంటే వెనక వచ్చిన కొమ్ములు వాడి అన్నట్లు.., టాలీవుడ్ ను వదలేసి బాలీవుడ్ కు చెక్కేసింది.

కార్తిక్