ఉదయ్ కిరణ్ మరణం వెనుక మిస్టరీ ఇదే!

Posted: 08/20/2014 05:25 PM IST

Uday kiran uday kiran suicide case forensic reports banjara hills police station

తెలుగు చిత్రపరిశ్రమలో ప్రవేశించిన మొదటి చిత్రంతోనే భారీ విజయాన్ని అందుకున్న మొట్టమొదటి లవర్ బాయ్ ఉదయ్ కిరణ్... ఆ తర్వాత నటించిన మరో రెండు సినిమాలు కూడా బాక్సాఫీస్ రికార్డులను బద్దలు కొట్టేశాయి. దీంతో వరుసగా మూడు సినిమాలు విజయం సాధించడంతో ఇతనికి హ్యాట్రిక్ హీరో అనే బిరుదు కూడా వచ్చేసింది. తాను నటించిన మూడు సినిమాల్లోనూ అద్భుతంగా నటనను ప్రదర్శించడం వల్ల ఇతనికి అవార్డులు కూడా దక్కాయి. అంతే! అప్పటినుంచి తిరుగులేని హీరోగా తెలుగు చిత్రసీమలో పేరు సాధించుకున్నాడు. కేవలం తెలుగులోనే కాదు.. తమిళంలోని కొన్ని సినిమాల్లో కూడా ఉదయ్ నటించాడు.

ఇతని సినీకెరీర్ సాఫీగా సాగుతున్న తరుణంలో కుటుంబ కలహాల వల్ల చిత్రాల నుంచి తప్పుకోవాల్సి వచ్చింది. అయితే ఆ ప్రాబ్లమ్స్ ఇతనిని నీడలా వెంటాడటం మొదలుపెట్టాయి. తనను తిరిగి చిత్రసీమలో రాకుండా చేసేశాయి. తాను చిన్నవయస్సులో వున్నప్పుడే ఎన్నో అడ్డంకులను ఎదుర్కొని పరిశ్రమలో ప్రవేశిస్తే.. ఆ తర్వాత కూడా అవి ఇతనిని వదిలిపెట్టలేదు. ఆ సమస్యలు ఇతనిని ఎంత మానసిక ఒత్తిడికి గురిచేశాయంటే.. చివరికి ఉరేసుకుని చనిపోయేలా చేశాయి. అయితే ఉదయ్ కిరణ్ ఆత్మహత్య చేసుకునేంత పిరికివాడు కాదని.. అతని మరణం వెనుక ఏదో రహస్యం వుందని ఎన్నో రకాల అనుమానాలను వ్యక్తం చేశారు. దీంతో కేసు నమోదు చేసుకున్న పోలీసులు.. దర్యాప్తు ప్రారంభించారు. ఇతని డెడ్ బాడీని పరీక్షల నిమిత్తం ఫోరెన్సిక్ ల్యాబ్ కు పంపించారు. ఇప్పుడు అతని మరణానికి సంబంధించిన మిస్టరీని వాళ్లు రివీల్ చేశారు.

సినీనటుడు ఉదయ్ కిరణ్ ఊపిరాడకే చనిపోయారని ఫోరెన్సిక్ సిబ్బంది నిర్ధారించింది. చనిపోవడానికి ముందు ఉదయ్ కిరణ్ మద్యం బాగా సేవించాడని ఎఫ్ఎస్ఎల్ అధికారి తెలిపారు. అలాగే సూసైడ్ కి ముందు ఉదయ్ తీవ్ర మానసిక ఒత్తిడిలో వున్నాడని, తీవ్ర మానసిక సంఘర్షణకు లోనయ్యారని చెప్పారు. అతని కుటుంబంలో వున్న సమస్యల వల్ల ఉదయ్ కిరణ్ తీవ్ర ఒత్తిడికి గురయ్యేవాడని.. పైగా ఇతని సినిమా కెరీర్ కూడా బాగా దెబ్బతినడం వల్ల ఆఫర్లు రాకపోవడంతో మానసిక సంఘర్షణకు లోనయ్యి ఇలా ఆత్మహత్య చేసుకున్నాడంటూ వారు తెలిపారు. ఎఫ్ఎస్ఎల్ అధికారులు తమ ఫోరెన్సిక్ రిపోర్టులను బుధవారంనాడు బంజారాహిల్స్ పోలీసులకు అందజేశారు.

జనవరి 5వ ఉదయ్ కిరణ్ అనుమానాస్పద స్థితిలో మృతిచెందిన విషయం తెలిసిందే! ఉరి వేసుకుని చనిపోయిన ఉదయ్ మృతిపై అప్పట్లో పలు అనుమానాలు రేకెత్తాయి. ఇతని మరణం వెనుక ఎవరిదో హస్తం వుందని.. కావలనే మానసిక ఒత్తిడికి గురిచేసి ఉరేసుకునేలా చేశారంటూ ఎన్నో వ్యాఖ్యానాలను రేకెత్తించారు. అయితే ఇప్పుడు తాజాగా వచ్చిన రిపోర్టుతో ఉదయ్ కిరణ్ సూసైడ్ చేసుకున్నట్టు తేలిపోయింది. దీంతో పోలీసులు ఈ కేసును త్వరలోనే క్లోజ్ చేస్తున్నట్టు బంజారాహిల్స్ పోలీసులు స్పష్టం చేశారు.