అనుష్క బ్రదర్ గా అల్లరి నరేష్ !!

Posted: 08/22/2014 03:44 PM IST

కామెడి హీరోగా.., పాస్ గ్యారంటి సినిమాలు చేసే నటుడుగా గుర్తింపున్న అల్లరి నరేష్ రూటు మార్చకున్నాడు. అందాల భామ అనుష్క బ్రదర్ గా నటించేందుకు అల్లరి నరేష్ సిద్ధపడుతున్నాడు. ఈ మద్య రిలీజ్ అయిన సినిమాలు ఆశించినంత హిట్ కాలేదు. అయినా సరే తనేంటో నిరూపించుకునేందుకు అన్నగా.., తమ్ముడిగా అయినా పర్వాలేదు ప్రేక్షకుల ముందకు వస్తా అని చెప్తున్నాడు. అయితే ఈ సినిమాలో అనుష్క మాత్రం నటించటం లేదు. విషయానికొస్తే.., నరేష్ కొత్త సినిమాకు బ్రదర్ ఆఫ్ బొమ్మాలిగా పేరు పెట్టారు. సిరి సినిమా బ్యానర్లో వచ్చే ఈ చిత్రం త్వరలోనే సెట్లోకి ఎక్కనుంది.

సినిమా పేరు కోసం పోటి పెట్టగా నరేష్ పిలుపుకు మంచి స్పందనే వచ్చింది. కధను బట్టి సినిమాకు చాలా పేర్లు వచ్చాయి. అందులో నాటు బాంబు, బ్రదర్ ఆఫ్ బొమ్మాలి పేర్లు పరిశీలించిన టీం.., చివరకు బ్రదర్ ఆఫ్ బొమ్మాళిని ఫైనల్ చేసింది. వీడు తేడా సినిమా తీసిన చిన్ని కృష్ణ నరేష్ సినిమాకు డైరెక్టర్ గా వ్యవహరిస్తున్నారు. ఇక అమ్మిరాజు కనుమిళ్ళి నిర్మాతగా ఉన్నారు. హీరోయిన్ విషయానికొస్తే.., మోనాల్ గజ్జర్ నరేష్ సరసన నటిస్తోంది. ఆ మద్య మెరిసి తర్వాత కన్పించకుండా పోయిన కార్తిక ఈ సినిమా ద్వారా మరోసారి లక్ టెస్ట్ చేసుకుంటానంటోంది. నరేష్ చెల్లిగా ఇందులో కార్తిక కన్పించనుంది. అనుష్కకు మంచి పేరు తెచ్చిన క్యారెక్టర్ బొమ్మాళి పేరును సినిమాకు పెట్టుకోవటంతో మంచి రెస్పాన్స్ వచ్చి ప్రయత్నం సక్సెస్ అవుతుందని నరేష్ నమ్మకంగా ఉన్నాడు.

కార్తిక్