లవర్’బాయ్’తో ఫీలింగ్స్ పంచుకోనున్న సమంత

Posted: 12/13/2014 10:58 AM IST

Samantha siddhartha bommarillu bhaskar bangalore days remake movie news

లేదులేదంటూనే చివరికి సమంత తన లవర్’బాయ్ సిద్ధార్థ చెంతకు చేరినట్లు తెలుస్తోంది. ఆమధ్య వీరిద్దరు పీకల్లోతూ ప్రేమలో మునిగిపోయారని, త్వరలోనే పెళ్లి కూడా చేసుకోబోతున్నారని కొన్నాళ్లపాటు వార్తలు మీడియాలో బాగానే షికార్లు చేశాయి. పైగా గుడికి వెళ్లి అర్చనలు - పూజలు లాంటివి కార్యక్రమాలు చేయడంతో ఆ అనుమానాలు మరింత బలపడ్డాయి. కానీ.. ఈ ప్రేమ వ్యవహారాల గురించి ప్రస్తావనలు వచ్చినప్పుడల్లా తమ మధ్య కేవలం ఫ్రెండ్’షిప్ మాత్రమే వుందని, తాము ప్రేమించుకోవడం లేదని తమ ప్రేమను కొట్టిపారేశారు. అయితే ప్రస్తుత పరిస్థితులను గమనిస్తుంటే.. వీరిమధ్య లవ్ రిలేషన్ ఇంకా కొనసాగుతూనే వుందనే అనుమానాలు మళ్లీ పుట్టుకొస్తున్నాయి.

మలయాళంలో సూపర్’హిట్ అయిన ‘బెంగుళూరు డేస్’ చిత్రాన్ని ‘బొమ్మరిల్లు’ భాస్కర్ తెలుగు, తమిళ భాషల్లో రీమేక్ చేసేందుకు సన్నాహాలు చేస్తున్నారు. దీని స్క్రిప్టు వర్క్ కూడా ఇప్పటికే దాదాపుగా పూర్తయింది. ఈ సినిమాకోసం దర్శకుడు ఇటీవల సిద్ధార్థ్, సమంతాలతో చర్చించాడనీ, వారిద్దరూ కలిసి నటించేందుకు అంగీకరించారని సమాచారం! అంతేకాదు.. జనవరి నెలలోనే దీని షూటింగ్ కూడా మొదలవుతుందని వార్తలొస్తున్నాయి. దీంతో ఈ ప్రేమపక్షులు తిరిగి ఒకే గూటికి మళ్లీ చేరనున్నాయని, వీరిమధ్య ఇంకా లవ్ ఎఫైర్ నడుస్తూనే వుందని, అందుకే చిత్రం చేయడానికి అంగీకరించారని ఇండస్ట్రీలో చెప్పుకుంటున్నారు. మరి దీనిపై వారిద్దరి కామెంట్లు ఎలా వుంటాయో చూడాల్సిందే!