రామోజీ ఫిలిం సిటీకి కెసిఆర్ వెళ్ళింది భూముల సర్వేకా?

Posted: 12/13/2014 03:47 PM IST

ఉద్యమ సమయం లో ప్రత్యేక రాష్ట్రము వస్తే ఆంధ్ర బాబుల భూముల్లన్నింటిని లాక్కొని తరిమేస్తామన్న కెసిఆర్..,  నిన్న రామోజీ ఫిలిం సిటీ సందర్శనకు వెళ్లారు. అక్కడ దాదాపు ఆరు గంటలు గడిపిన కెసిఆర్ అన్ని నిర్మాణాలపై.., భూములపై ఆరా తీసినట్లు తెలుస్తుంది. రామోజీ తో కెసిఆర్ దాదాపు రెండు గంటలు విడిగా సమావేశమైనట్టు కొన్ని వర్గాలు గుస గుస లాడుకుంటున్నాయి. అంత ఆకస్మికంగా రామోజీ ఫిలిం సిటీ సందర్శనకు వెళ్ళాల్సిన అవసరం ఏముందని  కొన్ని వర్గాలు ఆంతరంగికంగా  చర్చిస్తున్నాయి.   

ఈ సందర్శనపై ఎవరెన్ని ఎం అనుకున్న తమకేమి నష్టం లేదని తెరాస పార్టీ నేతలు బహిరంగానే తమ అక్కసును వెళ్లదీస్తున్నారు. అసలు కెసిఆర్ వెళ్ళిన ముఖ్యోద్దేశం ఏమో కాని సొంత పార్టీ లోని కొందరు నేతలు ఒక కొత్త ఊహగానాన్ని వినిపిస్తున్నారు. కెసిఆర్ రామోజీ భూముల భాగోతాన్ని చూడటానికి  స్వయంగా వెళ్ళాడని, అక్కడ ఎంత భూమి ఉంది, ఏ నిర్మాణాలు ఎంత స్థలంలో కట్టారన్న విషయాన్నే తెలుసుకోవటానికే వెళ్ళారని ఒక కొత్త విషయాన్ని చెప్తున్నారు. అదే నిజమైతే కెసిఆర్ మీడియా ముందుకు వచ్చి రామోజీ ఫిలిం సిటీ అద్భుత కళా ఖండమని ఎందుకు స్టేట్ మెంట్ ఇచ్చారో  అని వేరే వర్గాలు.., వారు చెప్తున్న ఊహాగానానికి సెటైర్ వేస్తున్నారు. కాని కొన్ని వర్గాలు మాత్రం అది నిజమేనని అనుకుంటున్నాయి అదే నిజమే అయితే రామోజీ భూఆక్రమణల పర్వం బయటకు రావచ్చేమో అని ఆ వర్గాలు గుసగుసలాడుకుంటున్నాయి.

హరి