రంగులు మారుస్తున్న బాలయ్య

Posted: 01/03/2015 03:12 PM IST

సీబీఐ ఆఫీసర్ గా అవినీతిపరుల ఆటకట్టించే కథతో వస్తున్న ‘ఎన్.బి.కే.లయన్’ సినిమా షూటింగ్ పూర్తి కావస్తోంది. న్యూ ఇయర్ కానుకగా వచ్చిన ఈ మూవీ టీజర్ బాగా ఆకట్టుకుంది. వచ్చే నెలలో లేదా మార్చిలో ఈ మూవీ విడుదల కానుంది. మొత్తానికి ఈ ప్రాజెక్టు గురించి అప్ డేట్స్ ఇలా ఉన్నాయి. 98వ సినిమా తర్వాత ఏమిటి పరిస్థితి అని ఎంక్వయిరీ చేస్తే.., బాలయ్య అసలు గ్యాపు తీసుకోకుండా సినిమా తీస్తున్నట్లు తెలుస్తోంది. 98వ సినిమా కొద్ది రోజుల్లో పూర్తి కావస్తుండగా.., వచ్చే నెలలోనే 99వ సినిమా ప్రారంభం అవుతుందట.

‘లౌక్యం’ సినిమాతో అందరికీ ఎంటర్ టైన్ మెంట్ పంచి.., లైఫ్ ఇచ్చిన డైరెక్టర్ శ్రీ వాస్ బాలయ్య 99వ సినిమాను డైరెక్ట్ చేస్తున్న విషయం తెలిసిందే. ప్రస్తుతం ఈ మూవికి కథను సిద్దం చేసుకున్న వాసు.., తుది మెరుగులు దిద్దతున్నాడట. ఇక గోపి మోహన్, కోన వెంకట్ కలిసి పవర్ ఫుల్ డైలాగులు అందించేందుకు బాగా మైండ్ వాడుతున్నారట. పంచ్ డైలాగుల కేరాఫ్ గా మారిన వీరిద్దరూ.., బాలయ్యకు సూట్ అయ్యేలా మాటలు అందించటంపై కాన్ సెన్ ట్రేట్ చేశారట. నందమూరి హీరో కోసం తొలి సారి పనిచేస్తుండంటంతో తామేంటో చూపించేందుకు మైండ్ వాడుతున్నారు.

వచ్చే నెలలో షూటింగ్ ప్రారంభం అవుతున్న 99వ సినిమా బాలయ్య మార్కు పొలిటికల్ అండ్ సోషల్ మెసేజ్ మూవీలా ఉంటుందా లేక, వాసు మార్కు కామెడి ఎంటర్ టైనర్ గా ఉంటుందా.., ఈ రెండు కాకుండా కోన వెంకట్ లాంటి పంచ్ డైలాగ్ మూవీగా వస్తుందా అని ఫ్యాన్స్ ఆసక్తిగా ఎదురుచూస్తున్నారు.

కార్తిక్