ఆలియాభట్ పడుతున్న ‘బాడీ లాంగ్వేజ్’ పాట్లు...

Posted: 02/10/2015 10:47 AM IST

Alia bhatt body language classes america tour shahid kapoor shandar movie updates

బాలీవుడ్’లో అత్యంత యువతార ఆలియాభట్ తన అందాలతో ఇప్పటికే పెనుసంచలనం సృష్టించిన విషయం తెలిసిందే! బాలీవుడ్ పెద్ద డైరెక్టర్ కూతురైనప్పటికీ.. ఎక్స్ పోజింగ్ విషయంలో ఏమాత్రం వెనక్కు తగ్గకుండా పూర్తిగా తన అందాలను ఆరబోస్తోంది. అంతేకాదు.. బెడ్ రూమ్ ఘాటు సన్నివేశాల్లో సైతం నటిస్తూ యువకుల మనసులను దోచేసుకుంటోంది. దీంతో.. అనతికాలంలోనే భారీ ఫ్యాన్ ఫాలోయింగ్ పొందడంతో స్టార్ హీరోయిన్ల జాబితాలోకి వెళ్లిపోయింది.

ఇంకొక విషయం ఏమిటంటే.. ఈ అమ్మడు ఒక్కొక్క సినిమాలో ఒక్కొక్కవిధంగా తళుక్కుమంటూ మెరుస్తుంటుంది. ఓ సినిమాలో ఓ పాత్ర చేస్తే.. మరో సినిమాలో అందుకు భిన్నంగా చేస్తుంది. ఎందుకంటే.. ఒకే తరహా మూవీల్లో చేస్తే ప్రేక్షకులు బోర్’గా ఫీల్ అవుతారని, వారి కొత్తదనం కోసమే ప్రతీ మూవీకి తనను తాను మార్చుకుంటానంటూ ఈ అమ్మడు వెల్లడిస్తోంది. అందుకే.. తాను నటించబోయే ఓ మూవీకోసం ఈ అమ్మడు గతచిత్రాలకంటే కాస్త విభిన్నంగా కనిపించేందుకు కసరత్తులు చేస్తోందని సమాచారం!

బాలీవుడ్ సమాచారం ప్రకారం.. ఆలియా ‘బాడీ లాంగ్వేజ్’ కోర్సు చేయాలని నిర్ణయం తీసుకుంటుందట! ఇదివరకు తాను నటించిన సినిమాలన్నింటిలోనూ నాజుగ్గా, సన్నగా కనిపించిన ఈమె.. ఇప్పుడు కాస్త సెక్సీగా కనిపించేందుకు ఇలా నిర్ణయం తీసుకుందని అంటున్నారు. త్వరలోనే న్యూయార్క్ వెళ్లి, అక్కడ ఈ కోర్సులో శిక్షణ తీసుకోనుందని సమాచారం! అందుకు సంబంధించిన ఏర్పాట్లు కూడా సిద్ధం చేసుకుందని సన్నిహిత వర్గాలు పేర్కొంటున్నాయి.

ప్రస్తుతం ఈ అమ్మడు షాహిద్’తో నటించిన ‘షాందార్’ విడుదలకు సిద్ధంగా వుండగా.. మరో మూవీ షూటింగ్’లోనూ బిజీగా వుంది. ఆ మూవీ చిత్రీకరణ ముగిసిన వెంటనే అమెరికాకు వెళ్లి ఆ కోర్సులో జాయిన్ కానుందని ఇండస్ట్రీ టాక్! ఏదేమైనా.. ప్రేక్షకులను తనవైపు ఎలా తిప్పికువాలోనన్న విషయాన్ని ఆలియా త్వరగానే ఒంటబట్టేసుకుందని విశ్లేషకుల అభిప్రాయం.