సల్మాన్ ఖాన్ పక్కన నితిన్ హీరోయిన్

Posted: 04/30/2016 01:35 PM IST

టాలీవుడ్ నుండి నిన్నటి దాకా కేవలం స్టోరీలను మాత్రమే పట్టుకుపోయిన సల్లుభాయ్ ఈ మధ్యన హీరోయిన్లను కూడా పట్టుకెళుతున్నారు. తాజాగా మరో హీరోయిన్ ను బాలీవుడ్ లోకి తీసుకోనున్నాడు సల్లూ భాయ్. గతంలో నితిన్ తో జతకట్టిన ఈ భామను సల్లు బాయ్ నెక్ట్ సినిమాలో తన హీరోయిన్ గా తీసుకున్నట్లు సమాచారం. హార్ట్ ఎటాక్ సినిమాతో టాలీవుడ్ ఎంట్రీ ఇచ్చిన భామ.. అదా శర్మ. ఆమె తాజాగా నటించిన క్షణం చిత్రం ఆమె జీవితాన్నే మార్చేసింది. ఈ చిత్రం ఆమె కెరియర్ కు ఒక మైలు రాయిగా నిలిచిపోవడమే కాకుండా ఒక భారీ ఆఫర్ తెచ్చిపెట్టింది.

తెలుగులో మంచి విజయం సాధించిన ఈ చిత్రాన్ని హిందీలో రీమేక్ చేయనున్నారు. ఈ చిత్ర కథ బాలీవుడ్ కండలవీరుడు సల్మాన్ ఖాన్ కు బాగా నచ్చడంతో ఈ చిత్రంలో నటించేందుకు ఒప్పుకున్నాడు. ఈ చిత్రం యొక్క రీమేక్ రైట్స్ ను సాజిద్ నడియావాలా సొంతం చేసుకున్నారు. ఈ చిత్రంలో హీరోయిన్ పాత్ర కీలకం. తెలుగులో ఆదాశర్మ నటించిన ఈ పాత్రలో సంగీతా బిజిలానీని ఎంపిక చేసినట్లు ఇటీవల వార్తలు వచ్చాయి. అయితే ఇప్పుడు ఈ ఆఫర్ ఆదాశర్మకే వచ్చినట్లు సమాచారం. సల్మాన్ కి జోడీగా నటించనుందన్న మాట ఆదాశర్మ. పైగా ఇక్కడికీ బాలీవుడ్ లో మేకింగ్ కి చాలా డిఫరెన్స్ ఉంటుంది. సల్మాన్ చేతిలో పడితే టాప్ హీరోయిన్స్ అయిపోయిన హిస్టరీ చాలా మందికే ఉంది. ఇప్పుడు క్షణంతో ఆదాశర్మకు కూడా ఇలాంటి లక్కీ ఛాన్స్ తగిలిందని ఇండ్రస్టీ జనాలు అనుకుంటున్నారు.