ఆ స్టార్ డైరక్టర్ ఓ పెద్ద మోసగాడు

Posted: 11/05/2016 12:41 PM IST

టాలీవుడ్ లో ప్రస్తుతం ఓ బడా డైరక్టర్ తీరుపై తీవ్ర స్థాయిలో విమర్శలు వినిపిస్తున్నాయి. ఛాన్సుల పేరిట యంగ్ టాలెంట్ ను మోసం చేస్తున్నాడంటూ ఆయనపై ఆరోపణలు చేస్తున్నాడు ఓ యువహీరో. అంతేకాదు తనతో సినిమా తీస్తానంటూ పెద్ద ఎత్తున్న డబ్బు తీసుకున్నాడన్నది అతని ప్రధాన ఆరోపణ.

ఇక ఈ స్టార్ దర్శకుడు గతంలో కొత్త టాలెంట్ తో మంచి హిట్లు అందుకున్నాడు. ఇండస్ట్రీలో అతని సక్సెస్ రేట్ కూడా బాగానే ఉంది. అంతేకాదు హిట్లు లేక సతమతమవుతున్న స్టార్ల కోసం నిర్మాతలు కూడా ఇతని కోసం ఇప్పుడు క్యూ కడుతున్నారు. అయితే బిజినెస్ రంగం మేకప్ వేసుకుని ఇప్పటికే కొన్ని సినిమాలు చేసిన ఓ హీరోగారు మొత్తానికి ఆ దర్శకుడికి పెద్ద మొత్తంలోనే ముట్టజెప్పి తనతో సినిమా చేసేందుకు ఒప్పందం కుదుర్చుకున్నాడంట.

అయితే కమర్షియల్  హిట్ కోసం ఎదురు చూస్తున్న ఓ సీనియర్ హీరో మధ్యలో దూరేయటం, ఆ స్టార్ డైరక్టర్ తో కమిట్ మెంట్ కావటంతో సదరు యంగ్ హీరోగారికి హ్యాండిచ్చేశాడంట. ఈ విషయమై ఇద్దరి మధ్య తీవ్ర వాగ్వాదం కూడా జరిగినట్లు తెలుస్తోంది. తీసుకున్న అమౌంట్ కూడా తిరిగి ఇచ్చేయకుండా తిప్పుకుంటున్నాడని ఆ హీరో ఆరోపణలకు దిగాడు. అయితే ఇండస్ట్రీలో పెద్ద పరపతి ఉన్న సదరు డైరక్టర్ ఈ విషయం బయటికి పొక్కకుండా జాగ్రత్తలు తీసుకున్నప్పటికీ అప్పటికే విషయం బయటికి వచ్చేసింది.