దోని స్టంపౌట్ పై నెట్ జనులు ఏమన్నారంటే..

Posted: 10/12/2017 10:47 AM IST

When ms dhoni got stumped in international cricket

టీమిండియా మాజీ కెప్టెన్ మహేంద్రసింగ్‌ ధోనీ ప్రపంచ వికెట్ కీపర్లలలో అగ్రగామి అనడంలో అతిశయోక్తి లేదు. స్పిన్నర్లతో వూరించే బంతులు వేయించి మెరుపు వేగంతో బ్యాట్స్ మన్లను స్టంపౌట్‌ చేయడంలో దిట్ట. అలాంటి ధోనీ అసీస్ తో గువాహటి వేదికగా జరిగిన రెండో టీ20ల్లో స్టంపౌట్ కావడం అందరినీ ఆశ్చర్యపరిచింది. ధోని అభిమానులు ఈ విషయాన్ని నిజమని భావించడం లేదంటే నమ్మండి. కానీ అలాంటిదే జరిగిపోయింది.

ఆసీస్‌ స్పిన్నర్‌ ఆడమ్‌ జంపా వేసిన బంతిని అడబోయిన మహేంద్రుడు స్టంపౌట్ కావడం దోని నేర్పిన విద్యేనని తెలిసి అబిమానులు షాక్ అవుతున్నారు. ఐపీఎల్ లో పుణె తరపున ఆడిన జంపాకు అప్పుడు మ్యాచ్ గెలిచేందుకు ఈ టెక్నిక్స్‌ చెప్పడంతో దానినే.. కీలక సమయంలో వినియోగించి దెబ్బకొట్టాడు జంపా. బంతిని షాట్ కొట్టేందుకు ముందుకు వచ్చిన ధోనీ.. క్రీజులోంచి ముందుకురావడం.. బంతి బ్యాట్ కు తగిలేలోపే పిచ్‌ అయి కీపర్‌ చేతికి వెళ్లడం.. మెరుపువేగంతో అతడు వికెట్లను గిరాటేయడంతో ధోని పెవిలీయన్ కు చేరడం చకచకా జరిగిపోయాయి.

కెరీర్‌లో 80 టీ20లు ఆడిన ధోనీ స్టంపౌట్‌ కావడం ఇదే తొలిసారి. కాగా ధోనీ స్టంపౌట్ కావడంపై ట్విటర్ లో రకరకాల వ్యాఖ్యలు పెడుతున్నారు నెటిజన్లు. జంపా బౌలింగ్ లో పాండ్య సిక్సర్లు కొట్టగలడు కాబట్టే ధోనీ అలా ఔటయ్యాడని వ్యంగ్య బాణాలు విసిరారు. మరొకరు ధోనీ స్టంపౌట్‌ అయ్యాడంటే నమ్మలేం అంటున్నారు. మరికొందరేమో మహీ స్టంపౌట్ గుర్తు పెట్టుకో జంపా అంటున్నారు. వైద్యం చేసే రోగికే వ్యాధి సోకినట్లుందని కామెంట్లు చేస్తున్నారు.