వయాగ్రా వాడితే.. దబిడిదిబిడే!

Posted: 05/06/2015 06:57 PM IST

Viagra tadalafil tablets health problems husband wife romance tips

శృంగారంలో పటుత్వం సాధించడం కోసం చాలా మంది పురుషులు వయగ్రా, టాడాల్ ఫిల్ వంటివి వాడుతుంటారు. ఇవి వేసుకున్న అనంతరం తమ భార్యతో రతిక్రీడలో పూర్తిగా అనుభూతి పొందవచ్చునని భావిస్తుంటారు. ఇటువంటి మందులను తీసుకోవడం వల్ల ఎక్కువ సమయంల రతిలో పాల్గొనవచ్చునని కొందరు వైద్యులు సైతం సలహాలు ఇవ్వడంతో వీటిని కొనుగోలు చేస్తుంటారు. అయితే.. ఇలాంటివి వాడితే గుండెపోటుతో పాటు.. పక్షపాతం వస్తాయని చాలా మంది చెపుతుంటారు. ఇది వాస్తవమా కాదా అనే అంశంపై వైద్యులను సంప్రదిస్తే.. వాళ్లు కూడా కొన్ని నమ్మలేని నిజాలను తెలిపారు.

సాధారణంగా శృంగారంలో పాల్గొనే పురుషులు వయాగ్రా వాడటం సహజమేనని ఆరోగ్య నిపుణులు అంటున్నారు. అయితే, వయగ్రా వాడటం వల్ల అవి అంగంలోకి కేవలం రక్తాన్ని పంప్ మాత్రమే చేస్తాయే గానీ.. కోర్కెలను, హార్మోన్స్‌ను పెంచవని వెల్లడించారు. ఆ మందువల్ల రక్తం పంప్ వేగం పెరుగుతుంది కాబట్టి.. రతిలో పాల్గొనాలనే ఆవేశం పెరుగుతుంది. అంతే! అయితే.. పైపెచ్చు వయాగ్రా, టాడాల్ ఫిల్ వంటి మందుల వాడకం వల్ల ఒక్కోసారి గుండె నొప్పి రావడం, బీపీ పెరిగిపోయి పక్షవాతం, బీపీ పడిపోయి కోమాలోకి వెళ్ళడం వంటివి జరుగుతాయని వైద్యులు తమ ప్రయోగాత్మక పరిశోధనల ద్వారా స్పష్టం చేస్తున్నారు.

అంతేకాదు.. కంటిచూపు పోతుందని, చెవుడు రావడం, కిడ్నీలు పాడవడం వంటివీ జరగొచ్చని అంటున్నారు. ముఖ్యంగా వయాగ్రా వాడటం వల్ల అంగస్తంభన 4-24 గంటలపాటు అలాగే ఉండిపోవడం వల్ల అంగంలోకి వచ్చిన రక్తం గడ్డకట్టి అంగంలోని కణజాలం రాయిలా గట్టిపడి పోయి, శాశ్వత అంగస్తంభన లోపమూ రావచ్చు వైద్యులు హెచ్చరిస్తున్నారు. కాబట్టి.. వయాగ్రా వాడకం చాలావరకు తగ్గిస్తేనే మంచిదని నిపుణుల సలహా!