హాలీవుడ్ సినిమా చర్చల్లో ధనుష్

Posted: 05/22/2015 08:00 PM IST

వైవిధ్యభరితమైన చిత్రాల్లో నటిస్తూ తమిళ చిత్రపరిశ్రమలో స్టార్ హీరో ఇమేజ్ కైవసం చేసుకున్నాడు నటుడు ధనుష్! చూడటానికి బక్కపల్చగా వున్న.. దమ్మున్న టాలెంటెడ్ నటుడిగా మంచి గుర్తింపు సాధించాడు. ఈ తరుణంలోనే ‘కొలవెరీ డీ’ పాటతో ఇండియా మొత్తం మీద పాపులర్ అయ్యాడు. ఆ తర్వాత ‘రాంఝనా’ సినిమాతో బాలీవుడ్ లో మంచి గుర్తింపు తెచ్చుకున్నాడు. ఇప్పుడు ఈ హీరో ఓ హాలీవుడ్ సినిమాలో నటించే అవకాశాలున్నాయని కోలీవు సమాచారం!

‘కొలవెరీ డీ’ పాట ప్రపంచవ్యాప్తంగా ప్రతిఒక్కరినీ అలరించిన విషయం తెలిసిందే! ఆ పాట వల్లే ఈ హీరోకి హాలీవుడ్ చిత్రంలో నటించే అవకాశం వచ్చిందని కోలీవుడ్ లో చెప్పుకుంటున్నారు. ప్రస్తుతం ఓ హాలీవుడ్ సినిమాకి సంబదించిన చర్చల్లో ధనుష్ ఉన్నాడని వార్తలొస్తున్నాయి. అన్నీ కుదిరితే త్వరలోనే ఆ సినిమాకి సైన్ చేస్తాడు. ఫ్రెంచ్ – ఇరానియన్ లేడీ ఫిల్మ్ మేకర్ అయిన మార్జనే సత్రపి చేయనున్న ‘ది ఎక్స్ట్రార్డినరీ జర్నీ అఫ్ ది ఫకీర్ హూ గాట్ ట్రాప్డ్ ఇన్ ఆన్ ఇయా వార్డ్రోబ్’ సినిమా కోసం ధనుష్ తో సంప్రదింపులు జరపనున్నారు.

ఇంగ్లీష్ లో అత్యధికంగా సేల్ అయిన ‘ది ఎక్స్ట్రార్డినరీ జర్నీ అఫ్ ది ఫకీర్ హూ గాట్ ట్రాప్డ్ ఇన్ ఆన్ ఇయా వార్డ్రోబ్’ నవలా ఆధారంగా అదే టైటిల్ తో ఈ సినిమా చేయనున్నారు. ఈ వార్తని కేన్స్ ఫిల్మ్ ఫెస్టివల్ లో మార్జనే సత్రపి తెలియజేశారు. ఒక మోసగాడైన కుర్రాడు న్యూ ఢిల్లీ నుంచి ఫ్రాన్స్ వరకూ చేసిన అడ్వెంచరస్ జర్నీనే ఈ సినిమా కథ. ఈ జర్నీలో ఆ కుర్రాడు పర్షియన్ అమ్మాయితో ప్రేమలో పడి ఏం చాసాడు అన్నది కూడా కథలో ఉంటుంది. అన్నీ కుదిరితే ధనుష్ హాలీవుడ్ ఫిల్మ్ త్వరలో సెట్స్ పైకి వెళ్తుంది.