సొంత దుకాణం పెట్టనున్న ఫ్యామిలీ బాబు

Posted: 06/04/2015 06:53 PM IST

సినీ ఇండస్ట్రీలో కొందరు హీరోలు సినిమాలు చేసుకుంటూనే మరోవైపు తమ సొంత దుకాణాలను తెరుచుకుంటున్నారు. అంటే.. ఇతర నిర్మాతలకు చేస్తూనే సొంతంగా ప్రొడక్షన్ హౌస్ లను ఏర్పాటు చేసుకుని.. తమ బ్యానర్ లో కూడా సినిమాలు నిర్మిస్తున్నారు. బాలీవుడ్ లో ఈ ట్రెండ్ పోటీగా కొనసాగుతోంది. ఇప్పుడు ఈ ట్రెండ్ టాలీవుడ్ లో కూడా విస్తరిస్తున్నట్లు కనిపిస్తోంది. ఇప్పటికే కొందరు టాలీవుడ్ దిగ్గజ హీరోలు తమ సొంత దుకాణాలు ఓపెన్ చేసుకోగా.. తాజాగా ఈ జాబితాలో దగ్గుబాటి వెంకటేష్ కూడా చేరిపోనున్నారు.

ఇటీవలే ప్రిన్స్ మహేష్ బాబు ‘జి. మహేష్ బాబు ఎంటర్ టైన్మెంట్ ప్రైవేట్ లిమిటెడ్’ పేరిట నిర్మాణ సంస్థను నెలకొల్పగా.. ఈ నేపథ్యంలోనే సీనియర్ హీరో వెంకటేష్ కూడా సొంతంగా చిత్రా నిర్మాణ సంస్థను నెలకొల్పుతున్నారు. తమ ఫ్యామిలీకి ఇప్పటికే సురేష్ ప్రొడక్షన్స్ పేరిట ప్రొడక్షన్ హౌస్ వున్నప్పటికీ.. తన సొంతంగా మరో సంస్థను ఆయన ఏర్పాటు చేసుకుంటున్నారని వార్తలొస్తున్నాయి. త్వరలోనే వెంకీ నిర్మాణ సంస్థకు సంబంధించి అధికారిక వార్తలు వెలువడే అవకాశాలున్నాయని ఇండస్ట్రీలో టాక్ వినిపిస్తోంది. ఈ క్రమంలోనే మరికొంతమంది హీరోలు కూడా తమ సొంత దుకాణాలు ఓపెన్ చేసే ప్రణాళికలు వేసుకుంటున్నారని ఇండస్ట్రీలో గుసగుసలు వినిపిస్తున్నాయి.