స్వీట్ కార్న్.. ఆరోగ్యానికి హెల్దీ ఫుడ్!

Posted: 06/30/2015 03:07 PM IST

ఆరోగ్యాన్ని మెరుగుపరిచే ఆహారాల్లో స్వీట్ కార్న్ ఒకటి! ఇందులో ఎవరికీ తెలియని ఎన్నో ఔషధగుణాలు దాగివున్నాయి. ఇది రకరకాల హానికారక వ్యాధుల నుంచి పోరాడి.. ఆరోగ్యంగా వుంచుతుందని నిపుణులు అంటున్నారు. వీటిల్లో వుండే పోషకాలు వ్యాధినిరోధక శక్తి పెంచడంతోపాటు వ్యాధులను దూరంగా వుంచుతాయని వారంటున్నారు. ఇంతకీ స్వీట్ కార్న్ కలిగే ఆరోగ్య ప్రయోజనాలేంటో తెలుసుకుందామా...

స్వీట్ కార్న్ తో కలిగే ఆరోగ్య ప్రయోజనాలు :

* స్వీట్ కార్న్.. గుండె ఆరోగ్యాన్ని కాపాడుతుంది. మొక్కజొన్నను రెగ్యులర్‌గా మితంగా తీసుకుంటే.. గుండె రక్తకణాల ఆరోగ్యానికి చాలా మంచిది. మొక్కజొన్నలో ఉండే విటమిన్ సి, కెరోటినాయిడ్స్, బయోఫ్లెవనాయిడ్స్ వంటి పోషకాలు పుష్కలంగా వుంటాయి. అవి గుండె సంబంధిత వ్యాధులను నివారించడంలో ప్రముఖపాత్ర పోషిస్తాయి. అంతేకాదు.. రక్తంలోని కొలెస్ట్రాల్ లెవల్స్‌ను కంట్రోల్ ఈ స్వీట్ కార్న్ కంట్రోల్ చేస్తుంది. కాబట్టి.. స్వీట్ కార్న్ రెగ్యులర్ గా స్నాక్స్ టైమ్ లో తీసుకుంటే ఎంతో శ్రేయస్కరమని ఆరోగ్య నిపుణులు సూచిస్తున్నారు.

* మొక్కజొన్నలో శరీరానికి ముఖ్యంగా అవసరమయ్యే మెగ్నీషియం, మ్యాంగనీస్, ఐరన్, కాపర్, జింక్, సెలీనియం పుష్కలంగా ఉన్నాయి. ఇవి శరీరంలోని జీవక్రియలు బాగా పనిచేయడానికి ఉపయోగడతాయి. అలాగే ఎముకలు, కిడ్నీ ఆరోగ్యానికి ఎంతో అవసరమైన ఫాస్పరస్ ఈ కార్న్ లో వుంటుంది. ఇందులో ఉండే మెగ్నీషియం హార్ట్ రేట్‌ను నార్మల్‌గా ఉంచుతాయని ఆరోగ్య నిపుణులు అంటున్నారు.

* స్వీట్ కార్న్ తగినంత పరిమాణంలో ప్రతిరోజూ తీసుకుంటే.. మధుమేహంతో బాధపడే ఎంతో శ్రేయస్కరమని నిపుణులు పేర్కొంటున్నారు. ఎందుకంటే.. స్వీట్ కార్న్‌లో ఫైటోకెమికల్స్ వుంటాయి. అవి మధుమేహవ్యాధిని రెగ్యులేట్ చేయడానికి సహాయపడుతాయి.