ఒత్తిడిని మటుమాయం చేసే ఫ్రూట్స్

Posted: 07/02/2015 12:40 PM IST

ప్రస్తుత బిజీ ప్రపంచంలో ప్రతిఒక్కరు ఒత్తిడికి గురవుతారు. ముఖ్యంగా ఉద్యోగస్తులు ఇటు ఇళ్లు, ఆఫీసు కార్యకలాపాలు నిర్వహించుకోవడంతో తీవ్ర ఒత్తిడి బారిన పడిపోతారు. అలాంటి పరిస్థితుల్లో ఇతర పని చేయడంలో ఆసక్తి కలగకా.. మానసికంగా లోలోపలే ఆవేదన చెందుతుంటారు. ఇతరులతో సంభాషించేందుకు కూడా అంతగా ఇంట్రెస్ట్ చూపించరు. ఈ సమస్య నుంచి త్వరగా ఉపశమనం పొందకపోతే.. బంధాలు తెగే అవకాశాలు కూడా వుంటాయి. కాబట్టి.. ఈ ఒత్తిడి సమస్యను బారి నుంచి త్వరగా బయటపడక తప్పదు. మరి.. ఈ సమస్యను జయించడమెలా? అని అనుకుంటున్నారా! అందుకు ఆరోగ్య నిపుణులు కొన్ని చిట్కాలు ఇస్తున్నారు. అవేమిటో తెలుసుకుందామా..

తీవ్ర ఒత్తిడికి గురైనప్పుడు ఆరెంజ్, బొప్పాయి, బంగాళాదుంపలు వంటి ఫుడ్స్ తీసుకుంటే ఆ సమస్యకు చెక్ పెట్టవచ్చని ఆరోగ్య నిపుణులు అంటున్నారు. ఆరెంజ్‌లో అత్యధికంగా విటమిన్ సి పుష్కలంగా వుంటుంది. ఇది ఒత్తిడి ఫలితంగా స్రవించే హార్మాన్ల ప్రభావాన్ని తగ్గించి మేలు చేకూరుస్తుంది. అలాగే బొప్పాయిలో ఉండే కెరోటిన్ విషతుల్యాల్ని తొలగిస్తుంది. దీనివల్ల శరీరం, మనస్సు తేలికపడి ఒత్తిడి మటుమాయం అవుతుంది. ఇక బంగాళాదుంప విషయానికి వస్తే జింక్, విటమిన్ సి పెరిగి రోగనిరోధక శక్తి, ఇనుమడించి మనస్సును దృఢంగా ఆరోగ్యంగా ఉంచుతుంది. అరటి కూడా ఒత్తిడిని దూరం చేస్తుంది. అరటి పండులో ఉండే అధిక క్యాలరీలు, మెగ్నీషియం టెన్షన్‌ను సులభంగా తగ్గిస్తాయి.

అంతేకాదు.. ఆ ఫుడ్స్ లో ఒత్తిడిని జయించే పోషకాలతోపాటు శరీరానికి అవసరమయ్యే ఔషధగుణాలు మరెన్నో దాగి వున్నాయి. అవి వివిధ రోగాల బారి నుంచి రక్షించడమేగాక వెంటనే ఒత్తిడిని మటుమాయం చేస్తాయి. అప్పటివరకు వుండే మానసిక ఆవేదనను దూరం చేసి, తిరిగి తాజాదనాన్ని అందిస్తాయి. అలాగే.. వ్యాధినిరోధక శక్తిని పెంచి ఆరోగ్యంగా వుంచేలా చేస్తాయి.