కొలెస్ట్రాల్ ను తగ్గించే హెల్దీ వెజిటేబుల్స్

Posted: 07/09/2015 10:41 AM IST

శరీరంలో కొలెస్ట్రాల్ శాతం పెరిగినప్పుడు వ్యాధినిరోధక శక్తి తగ్గడంతోపాటు వివిధ రకాల ఆరోగ్య సమస్యల్ని ఎదుర్కోవాల్సి వస్తుంది. అందులో ముఖ్యంగా గుండెసంబంధిత వ్యాధులు ప్రాణానికే ప్రమాదం. కాబట్టి.. రెగ్యులర్ గా తీసుకునే డైట్ లో పోషకాలతో నిండిన ఆహారాల్ని తీసుకుంటే.. కొలెస్టిరాల్ ని తగ్గించుకోవచ్చు. తద్వారా ఆరోగ్యంగా, సంతోషంగా వుండొచ్చు. కొలెస్టిరాల్ శాతాన్ని తగ్గించడంలో కొన్ని వెజిటేబుల్స్ సమర్థవంతంగా పనిచేస్తాయి. అవేమిటో తెలుసుకుందామా..

* బీన్స్ : బీన్స్ లో ఫైబర్ కంటెంట్ అధిక మోతాదులో వుంటుంది. ఇది జీర్ణక్రియను వేగవంతం చేస్తుంది. అలాగే కొలెస్ట్రాల్, బరువును తగ్గిస్తుంది.

* వెల్లుల్లి : వెల్లుల్లిలో ‘యాక్టివ్ సబ్-స్టాన్’గా పిలువబడే ‘అల్లిసిన్’ అనే కంటెంట్ వుంటుంది. ఇది కొలెస్ట్రాల్ స్థాయిలను నేచురల్ గా తగ్గించడంలో సహాయపడుతుంది. వెల్లుల్లిని రెగ్యులర్ డైట్ లో చేర్చుకోవడం ద్వారా అది ఎడిఎల్ లెవల్స్ ను తగ్గిస్తుంది. అలాగే బ్యాడ్ కొలెస్ట్రాల్ని తగ్గించి, హెచ్.డి.ఎల్ (మంచి కొలెస్ట్రాల్-ను) పెంచుతుంది.

* ఆకుకూరలు : ఈ ఆకుకూరల్లో కొలెస్ట్రాల్ స్థాయిలను తగ్గించే పోషకాలు పుష్కలంగా ఉన్నాయి. వీటిలో ఉండే ‘ల్యూటిన్’ అనే పదార్థం వుంటుంది. అది రక్తం గడ్డకట్టి హార్ట్ అటాక్ కు కారణం అయ్యే కొలెస్ట్రాల్ ను పూర్తిగా తగ్గించడంలో కీలకపాత్ర పోషిస్తుంది.

* టమోటో : టమోటోలో లైకోపిన్ ఎక్కువగా ఉంటుంది. ఇది శరీరంలో కొలెస్టిరాల్ వ్యాప్తి చెందకుండా చేస్తుంది. టమోటోలను వండినప్పుడు మరింత ఎక్కువ లైకోపిన్ అందుతుంది.

* వంకాయ : ఈ కాయలో కొలెస్ట్రాల్ ను సహజంగా తగ్గించే ‘సోలబుల్ ఫైబర్’ పుష్కలంగా ఉంటుంది.

* క్యారెట్స్ : వీటిల్లో బీటా కెరోటిన్ పుష్కలంగా ఉంటుంది. ఈ యాంటీఆక్సిడెంట్ శరీరంలో కొలెస్ట్రాల్ ను నేచురల్ గా తగ్గిస్తుంది.

* ఉల్లిపాయలు : వీటిని పచ్చిగా లేదా ఉడికించి తీసుకుంటే.. శరీరానికి అనేక ప్రోటీనుల అందిస్తున్నారు. ఇవి హైలెవల్ కొలెస్ట్రాల్ తో పోరడటానికి చాలా బాగా సహాయపడుతాయి.

* రెడ్ బెల్ పెప్పర్ : వీటిల్లో విటమిన్ సి పుష్కలంగా వుంటుంది. ఈ పెప్పర్స్ ను రెగ్యులర్ డైట్ లో చేర్చుకోవచడం వల్ల సరైన సమయంలో కొలెస్ట్రాల్ ను తగ్గించడానికి ఎక్కువగా సహాయపడుతుంది.