కొవ్వు తగ్గించుకోవడం కోసం కోటి ఉపాయలు!

Posted: 09/17/2014 03:15 PM IST

సాధారణంగా వైద్యులు మన శరీరంలో వున్న కొలెస్టిరాల్ మోతాదుని బట్టి.. ఆరోగ్యంగా వున్నామా? లేదా? అనేది బేరీజు వేసుకుని చెబుతారు. అంటే.. సరైన మోతాదులో కొలెస్టిరాల్ వుంటే వివిధ రకాలుగా అది శరీరంలో ఉపయోగించబడుతుంది. జీవక్రియలు కూడా సహజంగానే పనిచేస్తాయి. అలాకాకుండా ఎక్కువగా వుంటే మాత్రం అనారోగ్యానికి గురవుతాం. శరీరంలో జరిగే రక్తప్రసరణ ఆగిపోయే ప్రమాదముంటుంది. ముఖ్యంగా గుండెకు సంబంధించిన ఆరోగ్య సమస్యలు తలెత్తుతాయి. కొలెస్టిరాల్ ఆయిల్ రూపంలో వుంటుంది. ఇది రక్తంలో కలిస్తే.. శరీరంలో రక్తప్రసరణ జరగడం చాలా కష్టమవుతుంది. ముఖ్యంగా బరువు ఎక్కువగా వున్నవారిలోనే ఈ కొలెస్టిరాల్ శాతం అధికంగా వుంటుంది. అయితే.. ఈ కొలెస్టిరాల్ సమస్య నుంచి బయటపడాలంటే వైద్యసలహాలతోపాటు గ్రీన్ వెజిటేబుల్స్ ని తీసుకుంటే చాలావరకు తగ్గించుకోవచ్చు. అలాగే ఈ వెజిటేబుల్స్ లో వుండే రసాయనాలు, ఐరన్, పోషక పదార్థాలు నిత్యం ఆరోగ్యంగా వుండేందుకు చాలా సహాయపడుతాయి.

కొలెస్టిరాల్ ను తగ్గించే నేచురల్ గ్రీన్ వెజిటేబుల్స్ :

1. కీరదోసకాయ... ఇది ఒక ఉత్తమమైన గ్రీన్ వెజిటేబుల్. దీనిని నిత్యం తీసుకోవడం వల్ల శరీరంలో వుండే వేడిని బయటకు పంపివేసి.. చల్లగా వుండేందుకు సహాయపడుతుంది. అలాగే శరీరంలో అనవసరంగా కూరుకుపోయిన కొలెస్టిరాల్ ను తగ్గించడంలో ప్రముఖపాత్రను వహిస్తుంది.

2. బెండకాయ... ఇందులో అధిక మోతాదులో ఫైబర్ వుంటుంది. ఇది మన శరీరంలో వుండే వేస్ట్ కొలెస్టిరాల్ ను తగ్గించి.. ఫిట్ గా వుండేందుకు సహాయపడుతుంది. అలాగే హార్డ్ డిసీజ్ రిస్క్ లను కూడా తగ్గిస్తుంది.

3. ఉల్లిపాయలు... వీటిని పచ్చివి లేదా ఉడికించినవి తీసుకుంటే.. శరీరంలో అనేక ప్రోటీన్లు అందిస్తాయి. ఇవి శరీరంలో పెరిగే కొలిస్టిరాల్ తో పోరాడి.. దానిని తగ్గించేందుకు సహాయపడుతుంది.

4. క్యారెట్స్... ఇందులో బీటా కెరోటీన్ అనే యాంటీ ఆక్సిడెంట్ పుష్కలంగా వుంటుంది. ఇది శరీరంలో వుండే కొలెస్టిరాల్ ను తగ్గించి.. శరీరానికి అవసరమయ్యే కొవ్వు పదార్థాలను సరైన మోతాదులో వుంచుతుంది. వెజిటేబుల్స్ లో క్యారెట్ అన్నిటికంటే శ్రేష్టమైనది కూడా.

5. వంకాయలు... ఇందులో వుండే సోలబుల్ ఫైబర్.. శరీరంలో వుండే కొలెస్టిరాల్ శాతాన్ని తగ్గించడానికి చాలా సమాయపడుతాయి.

6. టమోటో... ఇందులో వుండే లైకోపిన్ పోషకం.. కొలెస్టిరాల్ ను శరీరంలో వ్యాపించకుండా చేస్తుంది. టమోటోను వండినప్పుడు ఈ లైకోపిన్ శాతం మరింత పెరుగుతుంది.

7. కాలీఫ్లవర్... కాలీఫ్లవర్ కొలెస్టిరాల్ ను తగ్గించడంలో ప్రముఖపాత్రను వహిస్తుంది. ఎందుకంటే.. ఇందులో వుండే స్టెరోల్స్.. కొలెస్టిరాల్ స్థాయిని తగ్గించి.. శరీరానికి అవసరమయ్యే కొవ్వును వుంచుతుంది.

8. ఆకుకూరలు (గ్రీన్ లీఫ్స్)... వీటిలో వుండే ల్యూటిన్.. శరీరంలో వుండే అధిక కొవ్వును తగ్గించి.. రక్తం గడ్డకట్టకుండా చేస్తుంది. దీనిని రెగ్యులర్ గా తీసుకుంటే, నిత్యం ఆరోగ్యంగా వుండొచ్చు.

9. వెల్లుల్లి (గార్లిక్)... ఇందులో యాక్టివ్ సబ్ స్టాన్ గా పిలువబడే అల్లిసిన్ అనే కంటెంట్... శరీరంలో వుండే కొవ్వును తగ్గించి.. నేచురల్ గా వుంచుతుంది. అంతేకాదు.. ఏడిఎల్ లెవల్స్ ను తగ్గించి, బ్యాడ్ కొలెస్టిరాల్ ను తొలగిస్తుంది. పైగా శరీరానికి అవసరమయ్యే మంచి కొలెస్టిరాల్ ను ఇది అందిస్తుంది.

10. బీన్స్... ఇవి జీర్ణక్రియను వేగవంతం చేయడానికి చాలా దోహదపడుతాయి. వీటిలో వుండే హై ఫైబర్స్ కొలెస్టిరాల్, బరువును తగ్గించి, ఆరోగ్యంగా వుండేందుకు సహాయపడుతాయి.