అరటితో ఆరోగ్య ప్రయోజనాలు

Posted: 01/03/2015 03:40 PM IST

ప్రకృతిలోని ప్రతి పండు కూడా మానవుడికి ఉపయోగపడేదే అని తెలుసు. చాలా పండ్లు సీజనల్ గా లభిస్తాయి. అంటే వేసవిలో మామిడి, వర్షాకాలంలో నారింజ ఇలా ఒక్కో కాలంలో ఒక్కో పండ్లు వస్తుంటాయి. అయితే కాలాలకు అతీతంగా ఎప్పుడూ మనకు అందుబాటులో ఉండేది అరటి. పెరటిలో ఉండే అరటి చెట్టుతో ఎన్నో ఆరోగ్య ప్రయోజనాలు ఉన్నాయి. వేరు సహా.., చివరి కాడ వరకు అరటిలోని ప్రతి భాగమూ ఉపయోగకరమైనదే. అరటితో కలిగే ఆరోగ్య ప్రయోజనాలు ఇప్పుడు చూద్దాం.

* జీర్ణ సంబంధ ఇబ్బందులకు అరటి పండు చక్కని ఔషదంగా పనిచేస్తుంది.
* శరీరంలోని విషపధార్ధాలను తొలగిస్తుంది.
* ఈ పండ్లలో ఉండే పొటాషియం.. బీపీ, పని ఒత్తిడిని తగ్గిస్తుంది. కండరాలను దృడంగా ఉంచుతుంది.
* అరటి పండ్లు గుండెకు జబ్బుల నుంచి రక్షణ కవచంగా ఉంటాయి.
* ఎయిడ్స్ పై పోరాడే శక్తి కూడా అరటి పండ్లకు ఉంది.
* పచ్చి అరటి కాయలు విరేచనాలను తగ్గిస్తాయి.
* డైటింగ్ చేసే వారు కాస్త ఒక పూట టిఫిన్ చేసి అరటి పండు, వెన్న తీసిన పాలు తీసుకుంటే శరీరానికి అవసరమైన పోషకాలు వస్తాయి.
* అరటి పండును గుజ్జుగా చేసి చర్మంపై రాసుకుంటే కాస్త నిగారింపు వస్తుందని బ్యూటిషియన్లు చెప్తుంటారు.

ఇన్ని ప్రయోజనాలు ఉన్నాయి కాబట్టే చాలామంది పెరటిలో అరటిని పెంచుకుంటారు. ఓ సినిమాలో చెప్పినట్లు అరటి పండు... ‘తింటే బలపడతాం, తొక్కితే జారిపడతాం’. కాబట్టి వీలు కుదిరినప్పుడల్లా అరటి పండ్లు తినండి.