ద్రాక్షతో ఆరోగ్య ప్రయోజనాలెన్నో...

Posted: 12/30/2014 01:35 PM IST

ప్రకృతిలో ఉండే ప్రతి పండు, పుష్పం మనిషికి ఏదో ఒక విధంగా ఉపయోగపడుతుంది. అన్ని పండ్లు, పూలు అందరికి ఉపయోగపడకపోవచ్చు. కాని ప్రకృతి ఇచ్చే ప్రసాదం ఎవరినీ హాని చేసేందుకు కాదు. పండ్లు తింటే ఆరోగ్యంగా ఉంటారని ప్రతి ఒక్కరూ చెప్తుంటారు. కాని వాటి వల్ల కలిగే ప్రయోజనాలేమిటి అని ప్రశ్నిస్తే మాత్రం సరైన సమాధానం ఉండదు. అలాంటి వారి కోసమే పండ్ల వల్ల కలిగే ప్రయోజనాలను వివరిస్తున్నాము. ఇప్పుడు ద్రాక్ష పండ్ల వల్ల కలిగే ప్రయోజనాలు తెలుసుకుందాము. ద్రాక్ష లేదా అంగూరగా పిలిచే ఈ పండ్లతో చాలా ఆరోగ్య ప్రయోజనాలున్నాయి. వీటిలో రకాలు ఎలా ఉన్నాయో.., అందుకు తగ్గట్లు ప్రయోజనాలూ ఉన్నాయి. అవేమిటో ఇఫ్పుడు చూద్దాము.

* నల్ల ద్రాక్ష తిన్నా.., జ్యూస్ చేసుకుని తాగినా గుండె జబ్బులు వచ్చే అవకాశాలు తక్కువగా ఉంటాయి.
* ద్రాక్ష రసం తాగటం వల్ల మైగ్రేయిన్ అదుపులోకి వస్తుంది.
* తలనొప్పి ఉండే వారికి ద్రాక్ష పండ్లు తింటే కాస్త ఉపశమనం లభిస్తుంది.
* పిల్లల్లో రక్త కణాలు తగ్గితే ద్రాక్ష పండ్లు (ముఖ్యంగా నల్ల ద్రాక్ష) తినిపిస్తే ప్రయోజనం ఉంటుంది.
* ద్రాక్షలోని యాంటి ఆక్సిడెంట్లు రక్తనాళాల్లో ఉన్న అడ్డంకులను తొలగించి ప్రసరణ సరిగ్గా అయ్యేలా చేస్తాయి.
* ద్రాక్షలోని టన్నీస్, ఫాలిఫినాల్స్ క్యాన్సర్ కారకాలను దరిచేరనీయవు.
* ద్రాక్షపండ్లు తింటే బరువు పెరుగుతారన్న ప్రచారం కేవలం అపోహ.
* ద్రాక్షలో నీరు ఎక్కువగా ఉండటం వల్ల శరీరంలోని కొవ్వు స్థాయిని తగ్గిస్తుంది.
* అంగూరలో ఉండే పోటాషియం మూత్ర పొండాల సమస్యలను తగ్గిస్తుంది.
* రెగ్యులర్ గా ద్రాక్ష పండ్లు తింటే ఆస్తమా, ఆయాసం తగ్గటంతో పాటు ఊపిరితిత్తుల పనితీరు మెరుగవుతుంది.

ఇలా చెప్పుకుంటూ పోతే ద్రాక్ష పండ్ల వల్ల చాలా ప్రయోజనాలున్నాయి. చూస్తే చిన్నవిగా ఉన్నప్పటికీ.., ఫలరాజాలతో ధీటైన ప్రయోజనాలు కలిగి ఉన్నాయి. కాబట్టి వీలు కుదిరినప్పుడు ద్రాక్ష పండ్లు తినండి. చివరగా ఒక్క సలహా.., త్వరగా చెడిపోయే తత్వం ఉన్నందు వల్ల మార్కెట్ నుంచి తెచ్చుకున్న తర్వాత రోజుల తరబడి నిల్వ ఉంచకుండా వీలైనంత త్వరగా తినేయండి.

కార్తిక్