‘మునగ’తో ఎన్నో ఆరోగ్య ప్రయోజనాలు...

Posted: 02/05/2015 07:07 PM IST

మునగచెట్టు గురించి తెలియనివారు ఎవ్వరూ వుండరు. ముఖ్యంగా మునగకాడలతో వివిధ రకాల వంటకాలు తయారుచేస్తారు. అయితే.. ఈ మునగచెట్టుతో ఎన్నో ఆరోగ్య ప్రయోజనాలు వున్నాయని చాలా కొద్దిమందికే తెలుసు! మునగ ఆకులు, చెట్టు బెరడు, వేర్లు కూడా ఆరోగ్యానికి ఎంతో ఉపయోగకరం. ఎలాగో తెలుసుకుందామా...

1. మునగ చిగుళ్లు : లేత మునగ చిగుళ్లను బాగా రుబ్బి వాటి నుంచి రసం తీయాలి. ఈ రసాన్ని ప్రతిరోజూ పరిగడుపున ఓ గ్లాసుమేర తాగితే.. త్వరగా బరువు తగ్గుతారు.

2. మునగచెట్టు బెరడు : ఈ బెరడులో వుండే జిరుగును తీసి దాన్ని ఆవుపాలలో కలుపుకోవాలి. ఈ మిశ్రమాన్ని నుదుటి మీద పట్టీలా వేస్తే.. తలనొప్పి మటుమాయమవుతుంది.

3. మునగచెట్టు వేరు : ఈ వేరును బాగా దంచి, రసం తీసి, తేనెలో కలుపుకోవాలి. ఈ మిశ్రమాన్ని ప్రతిరోజూ తాగితే వాతపు నొప్పులు తగ్గుతాయి.

4. మునగ ఆకులు : లేత మునగాకును తరుచుగా తింటే.. ఒంటికి పట్టిన నీరు తీసేస్తుంది. అలాగే మనగాకును వేయించి తినిపిస్తే.. పిల్లలు పక్క తడపడం మానేస్తారు.

ఇక చివరగా.. మునగాకును, కాడలను ఎక్కువగా తీసుకుంటే.. బాలింతలకు పాలు బాగా పడుతాయి. ఆకును ఎండబెట్టి పొడిచేసి పరిగడుపున ఓ చెంచాడు తింటే.. కడుపులో వున్న అల్సర్లు మానిపోతాయి. ఇలా ఇన్ని రకాలుగా ఈ మునగచెట్టు ఆరోగ్య ప్రయోజనాలను కలిగింది. అంటే.. ఇది కూడా ఔషధాల సముదాయం లాంటిదే!