సౌత్ ఇండియన్ స్సెషల్ రిసిపీ

Posted: 03/10/2014 10:27 AM IST

South indian masala curry brinjal recipie making

యావత్ ప్రపంచంలోనే మన భారతదేశంలో అన్యమతాలవారు, జాతులవారు వున్నారు. అలాగే వారు తమకు అనుగుణంగా రకరకాల వంటకాలను తయారుచేసుకుంటారు. ఉత్తర భారతంలో కొన్ని వంటకాలు పేరుపొందగా... దక్షిణ భారతదేశంలో కూడా కొన్ని ముఖ్యమైనవి వున్నాయి. అలాంటి కోవలలోకే వస్తుంది ఈ వంకాయ మసాలా వేపుడు (బ్రింజల్ మసాలా).

దక్షిణ భారతదేశంలోనే డిఫరెంట్ గా ఎంతో రుచికరమైన ఆహార పదార్థాలలో ఈ బ్రింజల్ మసాలా ఎంతో ముఖ్యమైనది. దీనిని తయారుచేసుకునే పద్ధతి కూడా చాలా సులభమైనది. పైగా ఇది చాలా తక్కువ సమయంలోనే వండుకోవచ్చు.

ఇది ముఖ్యంగా మసాలాదినుసులతో తయారుచేసుకుంటారు. అలాగే ఇందులో వేసే వేరుశెనగపప్పు, పుట్నాల పప్పు దీనిని ఎంతో రుచికరంగా, అద్భుతంగా వుండేలా చేస్తాయి. ఎంతోమంది దీనిని ఇష్టపూర్వకంగా భోజనంలో తీసుకుంటారు.

కావలసిన పదార్థాలు :

వంకాయలు (250 గ్రాములు); పళ్లీలు (20 గ్రాములు); నూనె (2 టేబుల్ స్పూన్స్); ఉప్పు (సరిపడేంత), ఉల్లిపాయ (1), పుట్నాల పప్పు (15 గ్రాములు); వెల్లుళ్లి రెబ్బలు ((4); ఎండు మిరపకాయలు (5); జీలకర్ర (1 టేబుల్ స్పూన్); కారం (1 టేబుల్ స్పూన్); పసుపు (తగినంత); ధనియాపౌడర్ (1 టేబుల్ స్పూన్); మెంతిపొడి (తగినంత)

తయారుచేసే విధానం :

ముందుగా తీసుకున్న వంకాయలను తగిన సైజులో కట్ చేసుకుని, ఉప్పు వేసి పక్కన వుంచుకోవాలి.

తగిన మోతాదులలో పళ్లీలు, పుట్నాలపప్పు, ఎండుమిరపకాయలు నూనె లేకుండా వేయించాయి. ఇందులో జీలకర్ర, వెల్లుళ్లి రెబ్బలు తగిన మోతాదులో వేసి, గ్రైండర్ లో వేసి పేస్ట్ చేసుకుని పెట్టుకోవాలి.

ఇలా చేసుకున్న తరువాత పెనుమును ఒక స్టౌ మీద పెట్టుకుని అందులో కొద్ది మోతాదులో నూనె వేసుకోవాలి. కొంచెం వేడెక్కిన తరువాత అందులో ఆవాలు, పచ్చిశెనగపప్పు, కరివేపాకు వేసుకోవాలి. అవి చిటపటలాడిన తరువాత అందులో వంకాయ ముక్కలను వేసి మూతపెట్టాలి.

అది వేడెక్కిన కొద్దిసేపు తరువాత మిగిలిన పదార్థాలైన పసుపు, ధనియాలపొడి, ఉప్పు, మెంతిపొడి, కారం, గ్రైండ్ చేసుకున్న పేస్ట్ ను వేసి, అందులో కొద్ది మోతాదులో కొంచెం నూనె వేసుకుని.. మరికొద్దిసేపు మూతపెట్టి వేడి చేసుకోవాలి.

చివరగా ఉల్లిపాయలను వేసి.. మరికొద్దిసేపు వేడి చేసుకుని దించుకోవాలి.

ఇలా చేసిన తరువాత ఎంతో రుచికరమైన వంకాయ మసాల వేపుడు (బ్రింజల్ మసాలా) మీకోసం రెడీ!