తీపి పదార్థాలను తినడానికి చాలామంది ఇష్టపడతారు. అందులో రకరకాల వంటకాలతో చేసిన తీపి పదార్థాలను తీసుకోవడంలో ఎక్కువ మక్కువ చూపుతారు. అటువంటి రకాలలో ఒకటైన ఈ బంగాళదుంప హల్వా కూడా చాలా ముఖ్యమైంది. 

సాధారణంగా హిందువులు హోలీ పండుగ సందర్భంగా ఈ హల్వాను ప్రత్యేకంగా తయారుచేసుకుంటారు. ఇది ఎంతో రుచికరమైనదే కాకుండా చాలా తక్కువ సమయంలోనే తయారుచేసుకోవచ్చు. 

హోలీ పండుగ సందర్భంగా ప్రతిఒక్కరు సంతోషంగా గడుపుతూ, ఒకరిమీద ఇంకొకరు రంగులు జల్లుకుంటూ, ఆహ్లాదకరంగా - ఉత్సాహంగా గడిపేస్తారు. అలాగే ఇంట్లో చేసుకున్న ఆహార పదార్థాలను ఒకరి ఇంటివారు ఇంకొకరితో పరస్పరం పంచుకుంటారు. 

అటువంటి ఆహార పదార్థాలలో అందరికి ఆనందం కలిగించేదిగా ఈ హల్వా ఎంతో ముఖ్యమైంది. మరీ ఈ హల్వాను తయారుచేయడంలో ఉపయోగించే పదార్థాలను, విధానాన్ని మనం ఒకసారి పరిశీలిద్దాం.... 

కావలసిన పదార్థాలు : 

ఉడికించిన బంగాళదుంపులు (కనీసం 10); పంచదార (1/4 కప్); బాదం (సరిపడేంత); ముక్కలుగా చేసుకున్న పిస్తా (2 లేదా 3); నెయ్యి (3 టేబుల్ స్పూన్స్)

తయారుచేసే విధానం :

మొదటగా ఉడికించిన బంగాళదుంపలను చల్లని నీటిలో కాసేపు వుంచి, దానిచుట్టూ వున్న పొట్టును తీసేసి, మెత్తగా చిదిమి పక్కన పెట్టుకోవాలి. 

ఒక పెనుమును స్టౌ మీద ఉంచి, అందులో కొంచెం నెయ్యి పోసి వేడి చేయాలి. 

అలా వేడి చేసిన నెయ్యిలో మెత్తగా చిదిమిన బంగాళదుంపలను వేసి బాగా మిక్స్ చేయాలి. అలా ప్రతి నిముషానికోసారి పెనుముకు అట్టుకోకుండా మిక్స్ చేస్తూ వుండాలి. 

అలా చేసిన తరువాత పంచదారను వేసి దానిని కూడా పూర్తిగా కరిగేవరకు బాగా మిక్స్ చేసుకోవాలి. 

అలా మిక్స్ చేసుకున్న హల్వాను స్టౌ నుంచి కిందకు దించి, దానిపై బాదం, పిస్తాలు వేసుకోవాలి. 

ఈ విధంగా తయారుచేసుకున్న ఆలూ హల్వాను హోలీ పండుగరోజు పరస్పరం సర్వ్ చేసుకుంటూ, ఆనందంగా గడుపుతారు