మూగ యువతిపై మాజీ సర్పంచ్ రేప్

Posted: 05/01/2013 07:53 PM IST

మాజీ ప్రజాప్రతినిధి మద్యం మత్తులోమూగ యువతిపై అత్యాచారానికి ప్రయత్నించిన వుదంతమిది.బాధితురాలి తల్లి ఫిర్యాదు మేరకు... రామకుప్పం మండలంలోని ఓ గ్రామంలో బాధితురాలు (25) సోమవారం రాత్రి ఏడు గంటల ప్రాంతంలో కుళాయిలో నీళ్లు పట్టుకునేందుకు వెళ్లింది.తిరిగి వెళ్తుండగా మద్యం మత్తులో మాజీ సర్పంచ్ వెంకటేశ్ (45) బిందెను తీసి పక్కకు పడేసి ఆ యువతిని అంగన్‌వాడీ పాత భవనంలోకి తీసుకెళ్లి అత్యాచారప్రయత్నం చేశాడు. పెనుగులాడుతూ యువతి అరవడంతో విన్న స్థానికులు ఆమె తల్లికి తెలిపారు. బాధితురాలి తల్లి అక్కడికెళ్లి కామాంధుడి చెర నుంచి యువతిని కాపాడింది. ఈ ప్రయత్నంలో నిందితుడు ఆమెపై కూడా దాడికి పాల్పడ్డాడు. ఈ విషయమై రామకుప్పం పోలీసులను సంప్రదించగా అత్యాచారయత్నం జరగలేదని, మద్యం మత్తులో నిందితుడు దాడికి పాల్పడ్డారని తమ విచారణలో తేలిందన్నారు. గ్రామస్థుల సమాచారంతో పోలీసులు నిందితుడిని అదుపులోకి తీసుకున్నట్లు తెలిసింది. గతంలో సర్పంచ్‌గా ఉన్న వెంకటేశ్ పంచాయితీ నిధుల దుర్వినియోగానికి పాల్పడి మూడు నెలలపాటు జైలు శిక్ష కూడా అనుభవించాడు.