రుయా' సిబ్బందికి ప్రజాసంఘాల మద్ధతు..

Posted: 05/02/2013 04:35 PM IST

 

తమ సమస్యలు పరిష్కరించాలని డిమాండ్ చేస్తూ రుయా ఆసుపత్రిలో నాలుగో తరగతి ఉద్యోగులు చేస్తున్న ఆందోళనకు ప్రజా సంఘాలు మద్దతు ప్రకటించాయి. ఆస్పత్రి వద్దకు చేరుకున్న సిఐటియు, ఎఐటియుసి, లోక్ సత్తా ప్రతినిధులు ఉద్యోగుల డిమాండ్లు నెరవేర్చాలని డిమాండ్ చేశారు. ఈ సందర్భంగా పలువురు నేతలు మాట్లాడుతూ... ఉద్యోగుల సంఖ్య పెంచి తమపై భారం తగ్గించాలని 18 రోజులుగా సిబ్బంది ఆందోళన చేస్తున్నా.. ప్రభుత్వం పట్టించుకోవడంలేదని ఆగ్రహం వ్యక్తం చేశారు. 850 పడకలు గల ఈ ఆసుపత్రిలో కేవలం 50 మంది ఎలా పని చేస్తారని ప్రశ్నించారు. మరో450 మంది సిబ్బంది అవసరం కాగా.. ప్రభుత్వం కంటితుడుపు చర్యగా కేవలం 50 పోస్టులు భర్తీ చేసిందని అన్నారు. ఈ సమస్యపై అధికారులు, ప్రభత్వం వెంటనే స్పందించాలని డిమాండ్ చేశారు.