అది జైలా..? ఇంకేమన్ననా..?

Posted: 09/28/2014 11:29 AM IST

తనిఖీలు చేసిన కొద్ది సెల్ ఫోన్లు, గంజాయి బయటపడుతూనే వున్నాయి. గత వారమే అధికారులు అర్థరాత్రి పూట తనిఖీలు నిర్వహించి భారీ సంఖ్యలో గంజాయిని, సెల్ ఫోన్లను పట్టకోగా, నాలుగు రోజులు తిరగకుండానే మరోమారు తనిఖీలు నిర్వహించగా, అదే స్థాయిలో గంజాయి, సెల్ ఫోన్లు పట్టుబడ్డాయి. దీంతో అదికారులు ఇది జైలా..? ఇంకేమన్నానా..? అంటూ చిరెత్తిపోతున్నారు. చర్లపల్లి సెంట్రల్ జైల్లో ఆ శాఖ ఉన్నతాధికారుల ఇవాళ తెల్లవారుజామున అకస్మిక తనిఖీలు నిర్వహించారు.  

జైలులోని కృష్ణ, బ్రహ్మపుత్ర బ్యారెక్లలో సోదాలు నిర్వహించారు. పలువురు ఖైదీల నుంచి భారీగా గంజాయి స్వాధీనం చేసుకున్నారు. ఖైదీలకు అంతపెద్ద మొత్తంలో గంజాయి ఎలా చేరింది అని జైలు అధికారులను ఆ శాఖ ఉన్నతాధికారులు ప్రశ్నిస్తున్నారు. దీనిపై వెంటనే విచారణ జరిపి నివేదిక అందించాలని ఆ శాఖ ఉన్నతాధికారులు సదరు అధికారులను ఆదేశించారు. ఇంత భారీ సంఖ్యలో ఖైదీల నుంచి గంజాయి లభ్యం కావడంలో జైలు అధికారులు, సిబ్బంది పాత్ర వుందన్న పుకార్లు కూడా షికార్లు చేస్తున్నాయి.

కాగా  నిన్న జైలు ప్రాంగణలో పోలీసులు తనిఖీలు నిర్వహించారు.  ఈ సందర్బంగా జైలు ఆవరణలోని అగరబత్తి తయారీ కేంద్రం వెనక బాగంలో భూమిలోపల కవర్లలో దాచి ఉంచిన సెల్ ఫోన్లను కనుగోన్నారు. వాటిలో ఓ సెల్ ఫోన్లో సిమ్ కార్డు ఉన్నట్లు గుర్తించిన పోలీసులు... ఆ ఫోన్కు సంబంధించిన కాల్ డేటాను గుర్తించే పనిలో నిమగ్నమైయున్నారు. రోజు వారిగా తనిఖీలు చేస్తేనే ఖైదీలతో పాటు జైలు సిబ్బంది, అధికారులు కూడా క్రమశిక్షణతో వ్యవహరిస్తారని ప్రజా సంఘాలు వ్యాఖ్యానిస్తున్నాయి.

జి.మనోహర్