ITEMVIDEOS: విశాఖలో మరో వింత.. మనిషి అకారంలో చేప

Posted: 12/15/2017 06:51 PM IST

విశాఖపట్నం.. అంధ్రప్రదేశ్ లో అత్యంత వేగంగా అభివృద్ది చెందుతున్న నగరం అని చెప్పడంలో అతిశయోక్తి కాదు. అయితే అంతకన్నా వేగంగా అక్కడ చోటుచేసుకుంటున్న వింతలు మాత్రం ప్రపంచ దృష్టినే అకర్షిస్తున్నాయి. మరీ ముఖ్యంగా సోషల్ మీడియా అందుబాటులోకి రాగానే ప్రతి విచిత్ర విషయం వింతగా మారి ట్రెండింగ్ అవుతుంది. వైరల్ గా మారుతుంది. మొన్న ఈ మధ్య విశాఖలో వింత జీవులు ఓ నిర్మాణంలో వున్న భవనం అటకపైకి వచ్చి తలదాచుకున్నాయన్న వార్త ప్రచారంలోకి వచ్చిన విషయం తెలిసిందే.

అవి గ్రహాంతర పక్షులని.. మనుషలు మాదిరిగానే రెండు కాళ్లు, రెండు చేతులతో వున్నాయిని, ఇక మనుషుల మాదిరిగానే నిలుచున్నాయని కూడా వార్తలు వైరల్ అయ్యాయి. ఏలియన్ పక్షులంటూ సోషల్ మీడియాలో పోస్టు చేసిన ఈ వీడియో కూడా విపరీతంగా వైరల్ అయ్యింది. తీరా అవి గుడ్లగూబలు అని తేల్చేశారు మన వన్యప్రాణి అధికారులు దీంతో ఏలియన్ పక్షలన్న వార్తలు క్రమంగా పోయి అందరికీ విషయం తెలిసిపోయింది.

ఇదిలా అయ్యిందో లేదో మరో వార్త అదే విశాఖలో హల్ చల్ చేస్తుంది. విశాఖ తీరంలో జాలర్లకు అచ్చం మనిషిని పోలిన చేప దొరికిందని అంటున్నారు. ముందు ఉదర భాగం, చేతులు అచ్చం మనిషి పోలి ఉన్న ఆ చేప వీడియో, ఫొటోలు ఇప్పుడు వైరల్ అవుతున్నాయి. రెండు చేతులు వెనక్కి కట్టేసి ఉంచిన ఆ చేప బతికే ఉన్నట్టు వీడియోలో స్పష్టంగా తెలుస్తోంది. ఇంతకీ ఇది నిజంగా విశాఖ తీరంలోనే దొరికిందా లేక ఎక్కడి వీడియోని తీసుకొని ఇక్కడ వైరల్ చేస్తున్నారా? లాంటి విషయాలపై స్పష్టత రావాల్సి ఉంది.