కేసిఆర్ పై కేసు పెట్టిన రామారావు?

Posted: 05/30/2013 03:51 PM IST

Telangana news khammam court directs police to file case against kcr

మీడియా, మైకు, కనిపిస్తే.. చాలు కొంత మందికి నోరు జారిపోతుంది. అలాంటి వారిలో కల్వకుంట్ల చంద్రశేఖరరావు ఒకరు. ప్రతిపక్ష నాయకులపై రాక్షస భాషను ఉపయోగించటంలో కేసిఆర్ ముందుంటారు. ఆయన మాట్లాడే బూతులకు నవ్వుకునే నాయకులు ఉన్నారు. శభాష్ అంటూ చాటుగా ఎంకరేజ్ చేసే అభిమానులు కేసిఆర్ ఉన్నారు. ఇటీవల కాలంలో ఆయన నోరు జారుడు ఎక్కువుగా ఉందని రాజకీయ నాయకులు అంటున్నారు. ఒక్క కేసిఆరే కాదు.. ఇలాంటి నాయకులు చాలా మంది ఉన్నారు. ఎక్కువుగా ఇమేజ్ సంపాదించుకున్న నాయకుడు కేసిఆర్ ఒక్కరే. అయిన అన్నీ రోజులు కలిసిరావు. అందరు రాజకీయ నాయకులు మాట్లాడే బూతు వింటూ , మనకెందుకులే అని సరిపెట్టుకోని వెళ్లే రోజులు ఇవి.

అయితే ఒక రామారావు అనే వ్యక్తి మాత్రం ఇలాంటి బూతు మాట్లాడే నాయకులపై గట్టి చర్యల తీసుకోవాలనే ఉద్దేశంతో మొదటి అడుగు వేయటం జరిగింది. మొదటిగా కేసిఆర్ పై రామాబాణం ప్రయోగంచినట్లు న్యాయవాది రామారావు చెబుతున్నారు. జనవరి నెలలో జరిగిన టీ-జేఏసీ ‘సమరదీక్ష ’లో కేసిఆర్ , ప్రధాని మన్మోహన్ సింగ్ పై తీవ్ర వ్యాఖ్యలు చేశారు. అటెండర్ కు ఉన్న జ్నానం ప్రధానికి లేదని విరుచుకుపడిన విషయం తెలిసిందే. ప్రధానమంత్రి మన్మోహన్ సింగ్ పట్ల కెసిఆర్ అనుచిత వ్యాఖ్యలు చేశారని రామారావు అనే వ్యక్తి ఖమ్మం జిల్లా కోర్టులో ఫిర్యాదు చేశారు. దీనిపై విచారించిన కోర్టు కెసిఆర్‌పై కేసును నమోదు చేయాలని ఆదేశించింది. తెలుగు దినపత్రికలలో వచ్చిన వార్తల ఆధారంగా రామారావు పోలీసు స్టేషన్‌లో ఫిర్యాదు చేశారు. ఈ విషయమై అతను డిజిపి వద్దకు వెళ్లారు. విచారించాలని డిజిపి జిల్లా పోలీసులను ఆదేశించారు. కేసు ముందుకు కదలక పోవడంతో అతను జిల్లా కోర్టును ఆశ్రయించారు. విచారించిన కోర్టు కేసు నమోదు చేయాలని ఆదేశాలు జారీ చేసింది. ఈ మేరకు కేసిఆర్ పై ఐపిసి 420, 504, 505, 506, 124ఎ, 120 సెక్షన్ ల కింద కేసు నమోదు చేయాల్సిందిగా పోలీసులను ఆదేశించింది. కేసిఆర్ పై కేసు పెట్టిన రామారావు పై తెలంగాణ నాయకులు మండిపడుతున్నారు. ఈ విషయంలో టీఆర్ఎస్ పార్టీ సస్పెండ్ చేసిన రఘనందన్ రావు హస్తాం ఉందని టీఆర్ఎస్ నాయకులు అంటున్నారు.