బ్రిటన్ కి మూడో తరం రాజు వచ్చాడు

Posted: 07/23/2013 09:55 AM IST

బ్రిటన్ కి మూడో తరం వారసుడొచ్చాడు. బ్రిటన్ యువరాజు - ప్రిన్స్ విలియమ్స్ ఆయన భార్య కేట్ మిడల్టన్ లకు మగ పిల్లాడు జన్మించాడు. గత కొన్ని రోజులుగా బ్రిటన్ ప్రజలే కాకుండా ప్రపంచదేశాల వారు ఎంతో ఆసక్తిగా చూస్తున్న నిరీక్షణకు తెరపడింది. బ్రిటన్ కాలమానం ప్రకారం సోమవారం సాయంత్రం 4.24 గంటలకు ఈ బేబీ జన్మించినట్లు, బరువు 3.8 కిలోలు ఉన్నట్టు రాజభవన అధికార వర్గాలు తెలిపాయి. ఈ ప్రసవం కోసం సోమవారమే లండన్ లో సెయింట్ మేరీ ఆసుపత్రిలో చేరారు. ఆమె వెంట ప్రిన్స్ విలియం కూడా ఉన్నారు. మొదటి నుండి సాధారణ డెలవరీ కావాలని పట్టుబట్టి చివరకు అనుకున్నది సాధించింది. . ఇదే అస్పత్రిలో ప్రిన్సెస్ డయానా తన ఇద్దరు కుమారులకు జన్మనిచ్చింది. ఈ యువరాణి. సోవవారం ఆసుపత్రిలో చేరినప్పటి నుండి పుట్టబోయే ఈ రాయల్ బేబీ కోసం ప్రజలు, మీడియా వారు అక్కడికి పెద్ద ఎత్తున చేరుకొన్నారు. తనకు మనవడు పుట్టారనే వార్తతో ప్రిన్స్ చార్లెస్ దంపతులు తెగ సంబరపడి పోవడమే కాకుండా, ప్రిన్స్ ఆఫ్ క్రేంబిడ్జి విలియం దంపతులకు ఇదే తొలి సంతానం కావడంతో రాజకుటుంబంలో కూడా సంబరాలు అంబరాన్ని అంటాయి. ఈ విషయం తెలుసుకున్న పలువురు ప్రముఖులు దంపతులకు అభినందనలతో ముంచెత్తారు. బ్రిటన్ ప్రధాన మంత్రి కామెరూన్ ఈ వార్తను సామాజిక వెబ్ సైట్ ట్విటర్ ద్వారా తన ఆనందాన్ని పంచుకున్నారు. ‘బ్రిటన్ రాజవంశంలో భవిష్యత్ రాజు జన్మించారనే వార్త ఆనందం కలిగించింది. ఈ రోజు దేశం మొత్తానికి పండగలాంటి రోజు. వారు మంచి తల్లితండ్రులవుతారు అని ట్విటర్ లో పోస్ట్ చేశారు. ఈ దంపతులకు పుట్టబోయే బిడ్డ గురించి వేల కోట్లలో బెట్టింగులు జరగడం విశేషం. వీరికి పుట్టిన బిడ్డ బ్రిటన్ సింహాసనానికి మూడో తరం వారసుడవుతాడు.