అందులో మహేష్ బాబు నటించడం లేదు

Posted: 07/30/2013 05:16 PM IST

ప్రముఖ దర్శకుడు గుణశేఖర్  నిర్మాతగా, దర్శకుడిగా అనుష్క ప్రధాన పాత్రలో భారీ బడ్జెట్ తో ‘రాణి రుద్రమ ’ సినిమాను తెర కెక్కిస్తున్న విషయం తెలిసిందే. ఇప్పటికే భారీ సెట్లతో సగానికి పైగా షూటింగు పూర్తి చేసుకున్న ఈ సినిమా లో మహేష్ బాబు ఓ కీలక పాత్ర పోషించబోతున్నాడనే వార్తలు వస్తున్న విషయం తెలిసిందే. ఇటీవలే పాటల రికార్డింగ్ నిమిత్తం లండన్ వెళ్ళిన గుణ శేఖర్ అక్కడే షూటింగ్ లో ఉన్న మహేష్ ని కలిసి ‘ గోన గన్నారెడ్డి ’ పాత్ర చేయాల్సిందిగా కోరినట్లు వార్తలు వచ్చాయి. కానీ ఈ సినిమాలో మహేష్ బాబు నటించడం లేదని తేలిపోయింది. ఈ వార్తలను తన సన్నిహితులు క్లారిటీ ఇచ్చారు. దీనికి కారణం మహేష్ బాబు బిజీ షెడ్యూలే కారణం అని చెప్పారు. ప్రస్తుతం సుకుమార్ సినిమాలో బిజీగా ఉన్న ప్రిన్స్ శీను వైట్ల ఆగడు సినిమా ఆగష్టులో సెట్స్ పైకి వెళుతుండటమే కాకుండా, కొరటాల శివ సినిమాలో కూడా కమీట్ కావడం వల్ల దీనికి డేట్లు ఇవ్వలేకపోయాడని అంటున్నారు. గతంలో మహేష్ కి సూపర్ హిట్ సినిమాలు అందించిన గుణశేఖర్ కే డేట్లు ఇవ్వక పోవడం పై వెనుక కొన్ని కారణాలు కూడా ఉన్నాయంటున్నారు సినీ జనాలు. గుణ శేఖర్ ఒకప్పుడు మంచి సినిమాలే చేసినా రీసెంట్ సినిమాల ట్రాక్ రికార్డు చూసే ఈ పాత్రకు కమీట్ కాలేదని అంటున్నారు. ఏది ఏమైనా మహేష్ ఈ సినిమాలో లేడని మాత్రం తేలిపోయింది.