అనుష్క ‘బహుబలి ’ ఫస్ట్ లుక్

Posted: 11/07/2013 12:02 PM IST

టాలీవుడ్ బొమ్మాళిగా పేరు తెచ్చుకున్న అనుష్కకు దర్శకులు గిఫ్ట్ ల మీద గిఫ్ట్ లు ఇచ్చి సర్ ప్రైజ్ చేస్తున్నారు. ప్రస్తుతం భారీ బడ్జెట్ సినిమాల్లో నటిస్తున్న అనుష్క జన్మదినం నేడు. ఈ సందర్భంగా ఈమెకు ప్రముఖ దర్శకుడు రాజమౌళి బర్త్ డే గిఫ్టుగా ప్రభాస్ కి ఇచ్చినట్లే ఈమెకు ఓ మేకింగ్ మీడియోను ప్రజెంట్ చేశారు.

‘బాహుబలి ’ మూవీ ‘బిహెండ్ ది సీన్స్ ’ పేరుతో మొదటి టీజర్ ను విడుదల చేసిన రాజమౌళి నేడు బొమ్మాళి బర్త్ డే సందర్భంగా సెకండ్ టీజర్ ను విడుదల చేసి అనుష్క ఈ సినిమాలో ఎలా ఉండబోతుందో చూపించాడు. దర్శక ధీరుడిగా పేరు తెచ్చుకున్న జక్కన్న బర్త్ డే కానుక ఇవ్వడంతో అనుష్క తెగ హ్యాపీగా ఫీలవుతుంది.  భారతీయ తెలుగు సినీ చరిత్రలో భారీ బడ్జెట్‌తో నిర్మించిన చిత్రాల జాబితాలో చేరబోతున్న ఈ చిత్రానికి సంబంధించిన రెండో షెడ్యూలు ఇటీవల రామోజీ ఫిలిం సిటీలో ఫూర్తి చేశారు.

రాజమౌళిగారితో కలిసి మళ్లీ పని చేయడం ఎంతో సంతోషాన్ని కలిగిస్తోందని, ఆయన కోరుకున్న సీస్స్ కోసం చాలా కష్టపడి పనిచేస్తారని కితాబిచ్చింది. ఈ సినిమాలో ప్రభాస్, అనుష్క, రాణా, రమ్యక్రిష్ణ, లాంటి ప్రధాన తారాగణం నటిస్తున్నారు. ఇక ఈ అమ్మడు నటిస్తున్న మరో చిత్రం ‘రుద్రమదేవి ’ ఫస్ట్ లుక్ ని కూడా నిన్నదర్శకుడు గుణశేఖర్ విడుదల చేసి కానుకగా ఇచ్చిన విషయం తెలిసిందే. ఈ కానుకలతో తెగ మురిసి పోతున్న ఈ అమ్మడుకు మనం కూడా జన్మదిన శుభాకాంక్షలు చెబుదాం.