ఫోన్ ట్యాపింగ్ కేసు ముందకా..? వెనక్కా..?

Posted: 07/17/2015 05:59 PM IST

ఓటకు నోటు కేసును కౌంటర్ చేసేందుకు ఆంద్రప్రదేశ్ ప్రభుత్వం నమోదు చేసని ఫోన్‌ ట్యాపింగ్‌పై కేసును నీరుగార్చేందకు తెలంగాణ ప్రభుత్వం యత్నిస్తుంది. దీంతో ఈ కేసు ముందుకు సాగడం కూడా కష్టంగా మారుతోందన్న వాదనలు వినిపిస్తున్నాయి. తెలంగాణ ఎమ్మెల్సీ ఎన్నికల నేపథ్యంలో టీఆర్ఎస్ నామినేటెడ్ ఎమ్మెల్యే స్టీఫెన్ సన్ తో ఆంధ్రప్రదేశ్ ముఖ్యమంత్రి నారా చంద్రబాబు నాయుడు స్వయంగా ఫోన్ లో మాట్లాడిన ఆడియో టేపులు మీడియాలో ప్రసారం కావడంతో.. తమ ఫోన్లను ట్యాప్ చేశారన్న కోణంలో ఆంధ్రప్రదేశ్ ప్రభుత్వం కేసును నమోదు చేసింది.

తమ ఫోన్ల ట్యాపింగ్ వ్యవహారాన్ని ముందుగా పసిగట్టలేకపోవడం.. ఇంటెలిజెన్స్ తప్పిందంగా పేర్కోన్న ప్రభుత్వం ఇంటెలిజెన్స్ డిఐజి గా విధులు నిర్వహిస్తున్న ఐపీఎస్ అధికారిని అనురాధ పై కూడా బదిలీ వేటును వేసింది. అయితే ఆంద్రప్రదేశ్ ప్రభుత్వం నమోదు చేసిన ఫోన్ ట్యాపింగ్ కేసుపై న్యాయస్థానంలో వాదనలు ఆరంభమయ్యాయి. కోర్టుకు సర్వీసు ప్రొవైడర్ల తరపు న్యాయవాదులు హాజరయ్యారు. తెలంగాణ ప్రభుత్వం కాల్‌డేటా ఇవ్వవద్దని మెమో ఫైల్‌ చేసిందని, డేటా ఇస్తే ప్రాసిక్యూట్‌ చేస్తామని హెచ్చరించిందని, అందుకే కాల్‌డేటా ఇవ్వలేమని సర్వీసు ప్రొవైడర్లు కోర్టుకు చెప్పారు.

అంతేకాదు, కేంద్ర ప్రభుత్వం కూడా ఫోన్ ట్యాపింగ్ కు సంబంధించిన సమాచారం ఇవ్వవద్దని తమను ఆదేశించిందని సర్విస్ ప్రోవైడర్ తరపు లాయర్లు కోర్టుకు విన్నవించారు. దీంతో కేంద్రం ఉత్తర్వులను కోర్టును నిర్దేశించలేవని ప్రాసిక్యూషన్‌ వాదించింది. ఈ నేపథ్యంలో ఫోన్ ట్యాపింగ్ కేసుపై న్యాయస్థానం ఎలా ముందుకువెళ్తుందన్న ఆసక్తి సర్వత్రా నెలకోంది.

జి.మనోహర్