ప్రకాశవంతమైన చర్మంకోసం చిట్కాలు..

Posted: 02/07/2015 06:12 PM IST

Beauty tips home remedies healthy shining smooth skin

ప్రకాశవంతమైన చర్మం పొందడం కోసం మార్కెట్లో ఎన్నోరకాల ప్రొడక్ట్’లు అందుబాటులో వున్నాయి. అయితే.. అవి ఎక్కువ ఖర్చుతో కూడినవి వుంటాయి. పైగా.. వాటిని రెగ్యులర్’గా వాడితే చర్మం సహజ సౌందర్యాన్ని కోల్పోతుంది. కొన్నిసార్లు ఆ క్రీములు ఎఫెక్ట్ అయి చర్మాన్ని దెబ్బతీసే అవకాశముంది. కాబట్టి.. సమయానుకూలంగా క్రీములను వాడితే మంచిది. అయితే.. వీటిని కాకుండా సహజంగా లభించే కొన్ని పదార్థాల ద్వారా రెమెడీస్ తయారుచేసుకుని ముఖానికి పట్టిస్తే.. నిగారింపైన చర్మాన్ని పొందవచ్చు.

1. ఒక గిన్నెలో పెరుగు, తేనెతోపాటు కొన్నిచుక్కల నిమ్మకాయ రసాన్ని వేసి బాగా కలుపుకోవాలి. ఈ మిశ్రమాన్ని ముఖానికి పట్టించి, పది నిముషాల తర్వాత మంచినీటిలో శుభ్రం చేసుకోవాలి. ఇలా ప్రతిరోజూ చేస్తే.. త్వరగా ఫలితాన్ని పొందవచ్చు.

2. కొద్దిగా బాదం పేస్ట్, పండిన బొప్పాయి గుజ్జును ఒక గిన్నెలో వేసి బాగా కలుపుకోవాలి. ఈ మిశ్రమాన్ని ముఖానికి పట్టించి, 20 నిముషాల తర్వాత స్ర్కబ్’తో శుభ్రం చేసి, నీటితో కడిగేయాలి. ఇలా చేస్తే.. చర్మం మృదువుగా, సాఫ్ట్ గా మారుతుంది.

3. ఒక పాత్ర తీసుకుని అందులో శనగపిండి, చిటికెడు పసుపు, పెరుగు వేసి మిక్స్ చేయాలి. ఈ పేస్ట్ ను ప్రతిరోజూ ముఖానికి రాసుకోవాలి. అది ఆరిపోయిన తర్వాత వృత్తాకార కదలికలను ఉపయోగించి శుభ్రంగా కడుక్కోవాలి. ఇలా చేస్తే.. ముఖంపై వున్న జుట్టు తొలగిపోతుంది.