ఆపిల్, ఆరేంజ్ ఫేస్ ప్యాక్ లతో మొటిమలు మటుమాయం!

Posted: 04/08/2015 03:34 PM IST

సాధారణంగా ముఖంపై వచ్చే మొటిమలు అంత సామాన్యంగా వెళ్లవు. ఇవి వచ్చినప్పుడు అందవీహినంగా కనిపించడంతోపాటు ముఖంపై నల్లని మచ్చలు, ఇతర సమస్యలు వస్తాయి. వీటినుంచి ఉపమశనం పొందేందుకు ఎన్ని బ్యూటీ ప్రోడక్ట్స్ వాడినా.. అవి కొన్నికాలాల వరకు మాత్రమే వాటిపై ప్రభావం చూపుతాయి. అనంతరం మళ్లీ అవి తిరిగి వస్తాయి. ఫలితంగా చర్మ సమస్యలు మరింత ఎక్కువవుతాయి. చర్మం పొడిబారిపోవడం, ముసలివారిలాగా కనిపిండం లాంటివి లక్షణాలు వస్తాయి. అలాకాకుండా వుండాలంటే ముందుగా ఈ మొటిమల నుంచి తక్షణమే ఉపశమనం పొందాలి.

ఈ మొటిమలను మటుమాయం చేయడానికి కొన్ని ఫేస్ ప్యాక్స్ వున్నాయి. అందులో ఆపిల్, ఆరేంజ్ ఫేస్ ప్యాక్స్ ఎంతో సమర్థవంతంగా పనిచేస్తాయి. ఆ రెండు ఫ్రూట్స్ లో వుండే పోషకాలు మొటిమలను తొలిగించడంతోపాటు చర్మసౌందర్యాన్ని మరింతగా మెరుగుపరుస్తాయి. అలాగే హానికారక క్రిముల నుంచి చర్మాన్ని నిత్యం రక్షిస్తాయి. నిర్జీవంగా మారిన చర్మంలో జీవం పోసి.. నిత్యం యవ్వనంగా కనిపించేలా చేస్తాయి. కాబట్టి.. ఈ ఆపిల్, ఆరేంజ్ ఫేస్ ప్యాక్ నిత్యం ఉపయోగిస్తే ఎన్నో సౌందర్య ప్రయోజనాలు పొందవచ్చు. మరి ఆ రెండింటిని ఎలా తయారు చేస్తారో తెలుసుకుందామా..

ఆఫిల్ ఫేస్ ప్యాక్ : పొట్టుతో సహా ఆపిల్ ముక్కలను మెత్తగా పేస్టులా చేసుకోవాలి. ఇందులో ఒక స్పూన్ రోజ్ వాటర్ మిక్స్ చేసి బాగా కలియబెట్టాలి. ఈ మిశ్రమాన్ని ముఖానికి అప్లై చేసి, కొద్దిసేపు అలాగే వుంచుకోవాలి. తడి ఆరిన తర్వాత గోరువెచ్చని నీటితో శుభ్రం చేసుకోవాలి. ఇలా వారానికి ఒకసారి చేసుకుంటే.. ముఖంలో వుండే స్కార్స్ మాయమవుతాయి.
 
ఆరేంజ్ ఫేస్ ప్యాక్ : ఆరెంజ్‌లో సి విటమిన్ అధికంగా ఉంటుంది. ఇది చర్మ సంరక్షణకు ఎంతగానో ఉపయోగపడుతుంది. విటమిన్ ఇ, ఎ, సి పొందడంతో పాటు కొలాజెన్ ఉత్పత్తికి ఆరెంజ్‌ను ఆహారంగా తీసుకోవడం ఉత్తమం. ఆపిల్ ఫేస్ ప్యాక్ లాగే దీన్ని తయారుచేసుకుని ముఖానికి పట్టిస్తే.. ఫలితాన్ని గమనించవచ్చు.