విస్తరంచనున్న విస్తారా సర్వీసులు

Posted: 03/31/2015 04:15 PM IST

భారత విమానయాన సర్వీసుల్లో కొత్తగా ప్రవేశించిన విస్తారా గ్రూప్ తన సర్వీసులను మరింత విస్తరించనుంది. వేగవంతంమైన సర్వీసులు, అతి తక్కువ ఖర్చుకే అందిస్తున్న విస్తారా గ్రూప్ మంచి లాభాలతో దూసుకెళుతోంది. సింగపూర్ ఎయిర్ లైన్స్, టాటా గ్రూప్ సంయుక్తంగా నిర్వహిస్తున్న విస్తారా ఎయిర్ లైన్స్ ను మరింత విస్తరించనున్నామని విస్తారా అధికారులు వెల్లడించారు. భవిష్యత్ లో విస్తారా సర్వీసులు డొమెస్టిక్ సర్వీసులను మరింత పెంచనుంది. యూరప్, అమెరికా, గల్ఫ్ దేశాలకు సర్వీసులను ప్రారంభించనున్నట్లు పీ టీక్ యో వెల్లడించారు.

గతంలో ఉన్న విమనయాన సర్వీసులకు ధీటుగా వేగంగా విస్తరిస్తున్న విస్తారా గ్రూప్ తన వ్యాపారాన్ని కూడా అంతకంతకూ పెంచుకునేందుకు పావులు కదుపుతోంది. సింగపూర్ ఏయిర్ వేస్, టాటా గ్రూప్ భాగస్వామ్యంలో నడుస్తున్న విస్తారా, 2019 నాటికి 20 ఏయిర్ బస్సులతో పాటు ఓ ఎ320 బస్ ను కలిగి ఉంటుందని సిఇఓ ఆశాభావం వ్యక్తం చేశారు. భారత చట్టాల్లో వచ్చిన మార్పుల కారణంగా వేగంగా సర్వీసులను విస్తరించడానికి అవకాశం కలుగుతోందని పీ టీక్ యో అన్నారు.

- అభినవచారి