మార్కెట్లలో మళ్లీ బ్లడ్ షెడ్.. భారీగా పతనమైన దేశీయ సూచీలు..

Posted: 01/20/2016 08:17 PM IST

స్టాక్ మార్కెట్ల నుంచి ప్రధాని నరేంద్ర మోడీ హవా వీగిపోయింది. ఆయన హాయంలోని ఎన్డీఏ ప్రభుత్వం.. అంతకుమునుపటి యూపీఏ ప్రభుత్వం నుంచి బాధ్యతలను చేపట్టిన నాటికి వున్న గణంకాలకు ఇవాళ స్టాక్ మార్కెట్లు చేరుకున్నాయి. అంటే రమారమి 2014 మే నాటి గణంకాలకు దేశీయ సూచీలు పడిపోయాయి. నిన్న నష్టాలను చవిచూసిన మార్కట్లలో ఇవాళ కూడా అదే పతనం అంచున ట్రేడింగ్ ను కొనసాగించాయి. ఇవాళ స్టాక్ మార్కెట్లలో మళ్లీ బ్లడ్ షెడ్ పరిస్థితి ఉత్పన్నమైయ్యంది. దేశీయ సూచీలు భారీ పతనంలో కుంగిపోయాయి. కేంద్రంలో నరేంద్ర మోడీ ప్రభుత్వం కొలువుదీరిన తరువాత ఇంతటి భారీ స్థాయిలో మార్కట్లు నష్టపోవడం ఇదే తొలిసారి.

2014 మే 16 తర్వాత ఇంతటి భారీ స్థాయిలో సెన్స్ క్స్ పతనం కాలేదు. ఇక నిఫ్టీ విషయానికి వస్తే 2.39 % పడిపోయి 7,300 పాయింట్ల వద్ద ట్రేడ్ అయింది. 2014 జూన్ 2 తర్వాత ఈ స్థాయిలో నిఫ్టీ పతనమవడం ఇదే తొలిసారి. మరో వైపు రూపాయిల్ విలువ కూడా పతనం బాటే పట్టింది. డాలర్ తో రూపాయి మారకం 68.12 కి చేరింది. 2013 సెప్టెంబర్ 4 తర్వాత రూపాయి విలువ ఇంతటి స్థాయిలో పతనమవడం ఇదే తొలిసారి. ఈ పతానికి కారణం అంతర్జాతీయంగా పెరిగిన క్యూడ్ ఆయిల్ ధరలు, చైనా మార్కెట్ దెబ్బతినడం కారణాలుగా మార్కెట్ నిపుణులు విశ్లేషించారు.

జి.మనోహర్