భారతీయ విఫణిలోకి యాపిల్ ఐఫోన్ 8, 8 ప్లస్..

Posted: 09/29/2017 06:02 PM IST

భారత స్మార్ట్ ఫోన్ ప్రియుల ప్రపంచంలో ఉత్కంఠను రాజేసిన దిగ్గజ ఎలక్ట్రానిక్స్ సంస్థ ఆపిల్ తాజాగా తన నూతన ఉత్పాదనను భారతీయ విఫణిలోకి ప్రవేశపెట్టింది. ఐఫోన్‌ 8, ఐఫోన్‌ 8 ప్లస్ స్మార్ట్ ఫోన్లు భారత మార్కెట్లోకి ఇవాళ విడుదల చేసింది. దసరా, దీపావళి పండుగలను పురస్కరించుకుని కొత్త వస్తువులు కొనుగోలు చేసే సంప్రదాయమున్న భారతీయులకు ముంగిట్లోకి వచ్చేసింది. ఐఫోన్ నూతన డివైస్ ల కోసం అసక్తిగా ఎదురుచూస్తున్న స్మార్ట్ ఫోన్ ప్రియులను ఐఫోన్ 8. ఐపోన్ 8 ప్లస్ లు మురిపిస్తాయని సంస్థ వర్గాలు పేర్కొంటున్నాయి.

ఈ సందర్భంగా ఐఫోన్ 8. ఐపోన్ 8 ప్లస్ కొనుగోలు చేసిన కస‍్టమర్లకు ఓ ఆకర్షణీయమైన ఆఫర్ ను రిలయన్స్ జియో అందిస్తోది. సిటీ బ్యాంక్ కార్డ్ ద్వారా బుక్ చేసుకుంటే ఐ ఫోన్ 8 , 8 ప్లస్ పై భారీ క్యాష్ బ్యాక్‌ అందిస్తోంది. ఇవాళ భారత్ లో ప్రవేశపెడతున్న సందర్భంగా ఈ ఒక్క రోజు కొనుగోలు చేసిన కస్టమర్లకు మాత్రమే ఈ అఫర్ వర్తించనుంది. ఈ సందర్భంగా ఆపిల్ సీఈవో టిమ్ కుక్‌ కు సంబంధించిన స్పెషల్ ఏవీని ప్రదర్శించారు.

దీంతో పాటు రిలయన్స్‌ డిజిటల్‌, జియో.కాం ద్వారా ఐఫోన్‌ 8, 8 ప్లస్ కొనుగోలు చేసిన వారికి 70శాతం క్యాష్‌బ్యాక్‌ (బై బ్యాక్‌) ఆపర్‌ అందిస్తోంది. ఈ పథకంలో ఐఫోన్‌ 8, ఐ ఫోన్‌ 8ప్లస్‌ కొనుగోలు చేసి,  జియో వినియోగదారులకు ఏడాది తరువాత ఆ క్యాష్‌ బ్యాక్‌ అందిచనుంది. నెలకు రూ.799 జియో ప్యాక్‌ వినియోగదారులకు మాత్రమే బై బ్యాక్ గ్యారెంటీ అందుబాటులో ఉంటుంది. ముంబైలో జరిగిన ఒక కార్యక్రమంలో రిలయన్స్‌ అధినేత ముకేశ్‌ అంబానీ కుమారుడు ఆకాశ్‌ అంబానీ వీటిని లాంచ్‌ చేశారు.