Posted: 08/22/2012 05:57 PM IST

రాజేంద్ర ప్రసాద్... ఒప్పుడు తెలుగు వెండితెర పై కామెడీ హీరోగా ఓ వెలుగు వెలుగిన ఆయన తరువాతి కాలంలో పూర్తి సందేశాత్మకమైన చిత్రాలలో నటించి తనలో రెండో నటుడు ఉన్నాడని నిరూపించుకున్నాడు. ఆయన నటించిన ఆ నలుగురు, ఓనమాలు లాంటి చిత్రాలు మంచి టాక్ తెచ్చుకున్నాయి.  అయితే రాజేంద్ర ప్రసాద్ అటువంటి సినిమాల్లో నటిస్తూ... యువ కథానాయకుల సినిమాలలో కూడా నటిస్తున్నాడు. తాజాగా ఈయన  అల్లు అర్జున్ జులాయి సినిమాలో ఓ ముఖ్యపాత్ర పోషించాడు. ఈ పాత్రకు మంచి రెస్పాన్స్ రావడంతో.. యువ దర్శకులు కూడా ఈయన్ని సినిమాలో పెట్టుకోవడానికి ఆసక్తి చూపుతున్నారు.

ఈ క్రమంలో యన్టీఆర్ నటించనున్న సినిమాలో కూడా రాజేంద్రప్రసాద్ ఓ కీలక పాత్ర పోషించనున్నట్టు వార్తలు వస్తున్నాయి. యన్టీఆర్ హీరోగా హరీష్ శంకర్ దర్శకత్వంలో రూపొందే చిత్రంలో రాజేంద్రప్రసాద్ నటించబోతున్నట్లు సమాచారం. ఇందులో యన్టీఆర్ కి తండ్రిగా ఆయన నటిస్తారని అంటున్నారు. హరీశ్ శంకర్ సినిమాలో ఓ మోస్తరు కామెడీ ఉంటుంది. నటన, కామెడీ రెండు పాత్రల్లో  రాజేంద్ర ప్రసాద్ ఆరితేరిన వాడే.  ఈయన్ని తీసుకుంటే రెండు విధాల కలిసివస్తుందనే ఉద్ధేశ్యంతో తీసుకున్నారని అంటున్నారు. ఏది ఏమైనా రాజేంద్ర ప్రసాద్ రెండో ఇన్నింగ్స్ కూడా సాఫీగా సాగుతుంది.