మధుమతిగా మత్తెక్కిస్తుందా ?

Posted: 06/05/2013 06:39 PM IST

తెలుగు బుల్లితెర ప్రేక్షకులను దాదాపు దశాబ్దన్నర నుండి తన అందచందాలతో, కవ్వించే మాటలతో అలరిస్తున్న ఉదయభాను కెరియర్ మొదట్లో హీరోయిన్ కోసం ప్రయత్నాలు చేసింది. కానీ అవకాశాలు కలిసి రాకపోవడంతో బుల్లితెర పైనే పాతుకుపోయింది. కానీ ఎక్కడో తీరకుండా ఉన్న ఆ హీరోయిన్ కోరిక తీర్చుకోవడానికి నానా ప్రయత్నాలే చేసింది. ఈ మధ్యన ఐటెం సాంగ్స్ లో కూడా నటిస్తూ ప్రేక్షకుల్ని అలరిస్తున్న ఉదయభాను హీరోయిన్ గా వెలిగిపోదామనుకునే సరికి వయస్సు ముదిరి పోయింది. వయసు కనిపించకుండా జాగ్రత్త పడుతూ ఫిజిక్‌ మీద శ్రద్ధ తీసుకుంటూ తన క్రేజ్‌కి కాపాడుకుంటున్న ఈ హాట్ గాళ్ పూర్తి స్థాయి హీరోయిన్ గా ఓ సినిమాలో నటించే అవకాశం వచ్చింది. ఈమె ఇప్పుడు మధుమతి అనే చిత్రంలో లీడ్‌ రోల్‌ చేస్తోంది. ఈ చిత్రంలో ఉదయభాను చాలా సెక్సీగా దర్శనమిస్తోంది. ఎలాగైనా ఈ చిత్రంతో సినిమాల్లో కొంతకాలమైనా వెలగాలని ఆమె కోరుకుంటోంది. అయితే బాగా ముదిరిపోయిన తర్వాత వచ్చిన ఈ అవకాశాన్ని ఆమె ఎంత వరకు సద్వినియోగం చేసుకోగలదో చూడాలి. లేటు వయసులో వచ్చిన అవకాశమైనా కానీ తన వంతుగా ఒళ్లు వంచి శ్రమిస్తోంది. మరి ఉదయభాను పడ్డ శ్రమకి ఫలితం దక్కాలని, మధుమతిగా తన ముదురు అందాలతో ప్రేక్షకులను మత్తెక్కించాలని కోరుకుందాం .