Posted: 03/05/2013 01:58 PM IST

ఆంద్రప్రదేశ్ రాష్ట్రం అంటే ఇతర రాష్ట్రాల నాయకులకు ఎంత సులకన అయ్యిందో ఢిల్లీ నాయకులు చెబుతున్నారు.  గతంలో  ప్రత్యేక తెలంగాణ సమస్య ఒక జఠిలమైన సమస్యగా చెప్పే కాంగ్రెస్ పెద్దలు  ఇప్పుడు ..తమ  తినుబండారాలతో పోల్చుతున్నారు. తెలంగాణ సమస్యకు నయం చేస్తానని  రాష్ట్రంలో  అడుగు పెట్టిన  కేరళ వైద్యుడు .. కేంద్రమంత్రి వాయిలార్ రవి.  ఇప్పుడు ఈ కేరల వైద్యుడు . తెలంగాణ పై విచిత్రమైన కామెంట్ చేసి మీడియాలో  నిలిచారు.  తెలంగాణ రాష్ట్ర ఏర్పాటు  విషయం అప్పడం, దోశ వేసినంత  సులభమైన  విషయం కాదని చెప్పటం పై తెలంగాణ నాయకులు మండిపడుతున్నారు.  తెలంగాణ  పై కేంద్ర మంత్రి  వాయిలార్  రవి చేసిన వ్యాఖ్యల్ని  వెంటనే  ఉపసంహరించు కోవాలని తెలంగాణ నాయకులు డిమాండ్ చేస్తున్నారు.  తెలంగాణ సమస్యను  కాంగ్రెస్ నేతలు  కాఫీలు,  దోశలతో పోల్చడం  వారి బుద్దీహనతకు  నిదర్శనమని  టీఆర్ఎస్ పార్టీ  ఎమ్మెల్యే  కేటిఆర్  అన్నారు.  అసలు ఆయనకు  అప్పడం , దోశలు తప్పితే  తెలంగాణ గురించి ఏం తెలుసుకోని అలా మాట్లాడుతున్నారని  తెలంగాణ నాయకులు  మండిపడుతున్నారు.  సీమాంద్రా నాయకులు కావాలని  కేరల వైద్యుడు చేత  ఇలాంటి  చీప్ విమర్శలు చేయిస్తున్నారని  టీఆర్ ఎస్ పార్టీ నాయకులు అంటున్నారు.  ఇలాంటి తెర వెనుక రాజకీయం ఆంద్ర నాయకులు మానుకోవాలని  తెలంగాణ ప్రాంత నాయకులు  మండిపడుతున్నారు.