యాక్టింగ్ క్వీన్పై మళ్లీ అదే కాంప్లైంట్..

Posted: 07/24/2018 04:36 PM IST

సాయి పల్లవి నటనకు ఫిదా అయినా తెలుగుచిత్రసీమ నటులు, దర్శకులు అమెతో చిత్రాలు చేసుందుకు ముందుకువస్తున్నారు. అయితే అమె మాత్రం తన పాత పనినే మళ్లీ మళ్లీ చేస్తూ వార్తల్లో నిలుస్తుందట. అదేంటి అంటారా.? సాయి పల్లవి మంచి నటి ఇందులో ఎవరికీ ఎలాంటి అనుమానం లేదు. కాకపోతే షూటింగ్‌ సమయంలో ఆమె తోటి నటులతో కలవకుండా.. ఒంటరిగానే ఎక్కువ సమయం గడుపుతూ అసలు షూటింగ్ స్పాట్ ను కూడా ఏదో పరీక్షా కేంద్రంగా మార్చుతూ.. ఇక చిత్ర యూనిట్ సభ్యులతో గొడవలు పడుతుందట.

ఆ మధ్య నాగశౌర్యతో చేసిన సినిమాలో కూడా అతగాడితో గొడవపడిందన్న వార్తలు వినిపించాయి. స్వయంగా నాగశౌర్యే ఈ విషయాన్ని వెల్లడించగా, దీనిపై స్పందించిన సాయి పల్లవి తాను కావాలని నాగశౌర్యను హర్ట్ చేయలేదని, ఆయన మంచి నటుడని కితాబిస్తూనే.. తాను సెట్ లో ఎక్కువగా ఒంటరిగానే గడుపుతుంటాను.. ఎవరితో తొందరగా కలవను.. అది తన బలహీనతగా చెప్పుకోచ్చింది. అయితే నాగశౌర్యతో అయిపోయింది కదా.. అనుకుంటే అంతకుముందు హీరో నానితో కూడా ఇలాంటి ఘటనే జరిగిందని టాక్. ఇక తాజాగా మరో హీరో శర్వానంద్ తో కూడా సాయిపల్లవి గొడవపడిందంటూ వార్తలు వినబడుతున్నాయి.
 
మామూలుగా షూటింగ్ లో సాయిపల్లవి ఎవరితోనూ కలవదు. షూటింగ్లో తన పార్ట్‌ అయిపోగానే పుస్తకం పట్టుకుని ఓ పక్కగా కూర్చుంటుందని సమాచారం. ఎంత పెద్దవాళ్ళు వచ్చి పలకరించినా పలకదు, ఉలకదు అంటారు. ఇలాంటి ప్రవర్తనతో షూటింగ్ లో పాల్గొన్నవారు హర్ట్‌ అవుతున్నారట! ఇదే విషయం మీద ఆమెతో గొడవపడుతున్నారని సమాచారం. ఆమె ఎంత మంచి నటి అయినా తోటివారితో మంచిగా ఉండకపోతే ఎలా? అని పలువురు ఆశ్చర్యం వ్యక్తం చేస్తున్నారు. అమెకు చెందిన బలహీనతనే టార్గెట్ చేస్తున్నారు.