మిథాలీరాజ్ బయోపిక్ అవకాశమోస్తే ముగ్దులారినవుతా..!

Posted: 07/30/2018 07:24 PM IST

Will love to portray mithali raj in her biopic says taapsee pannu

హీరోయిన్ తాప్సీకి తన గ్రాప్ కు ఇక బాలీవుడ్ లోనే బాగా పెంచుకుంటూ వెళ్తుంది. కొద్దికాలంలోనే బేబి, నామ్, షబానా, పింక్, జుడువా 2 వంటి చిత్రాలలో నటించి.. తనకంటూ బాలీవుడ్ ప్రేక్షకులలో ఓ ప్రత్యేక గుర్తింపు తెచ్చుకుంటున్నారు. ఓ వైపు సక్సెస్ ఫుల్ నటిగా రాణిస్తున్న ఈ నటి.. మరోవైపు ఒలింపిక్స్ లో సిల్వర్ మెడల్ ను గెలుచుకున్న బ్యాడ్మింటన్ క్రీడాకారుడు మాథ్యూస్ తో సాగిస్తున్న ప్రేమాయణం సినీవర్గాల్లో చర్చనీయాంశంగా మారింది.

ఇటీవల ముంబైలోని ఓ స్టార్ హోటల్ నుంచి వీరిద్దరూ చేయిచేయి కలుపుకుని బయటకు వచ్చారు. దీంతో, వీరి ప్రేమాయణంపై మీడియాలో పలు కథనాలు వెలువడ్డాయి. ఇప్పుడు వీరిద్దరూ నిశ్చితార్థం కూడా చేసుకున్నారనే వార్తలు వెలువడుతున్నాయి. గోవాలో తాప్సీ కుటుంబసభ్యుల సమక్షంలో ఈ నిశ్చితార్థం నిరాడంబరంగా, సీక్రెట్ గా జరిగిందని చెబుతున్నారు. అయితే, ఈ వార్తలను తాప్సీ ఖండించింది. కుటుంబసభ్యులతో కలసి సరదాగా గోవా వెళ్లామని, నిశ్చితార్థంలాంటివి జరగలేదని ఆమె తెలిపింది.

ఇక తన బయోపిక్ ను నటి ప్రియాంక చోప్రా నటిస్తే బాగుంటుందని తన అభిప్రాయాన్ని చెప్పుకోచ్చిన మహిళా క్రికెట్ జట్టు కెప్టెన్ మిథాలీరాజ్ కు ఇప్పుడు మరో ఆపర్ వచ్చింది. ప్రియాంక నుంచి ఇప్పటి వరకు ఈ విషయంలో ఎలాంటి బదులు రాకపోవడంతో.. మిధాలీకి తాప్సీ నుంచి ఆపర్ వచ్చింది. తాను మిథాలీ రాజ్ బయోపిక్ లో నటించే అవకాశం లభిస్తే ఎంతో సంతోషిస్తాననిన ముగ్దురాలిని అవుతానని చెప్పింది. మరీ దీనిపై మిథాలీ ఎప్పటికి స్పందిస్తారో వేచి చూద్దాం.