బాదంపాలు... బహు ప్రయోజనాలు

Posted: 12/27/2014 05:03 PM IST

బాదం పాలు అనగానే మార్కెట్ లో జ్యూస్ బండ్లపై అమ్మే బాదం పాలు గుర్తుకు వస్తాయి. సాధారణంగా అందరూ అక్కడే బాదం పాలు తాగుతారు. లేదంటే టీ స్టాల్ వద్ద బాదం పొడి కలిపి.., బాదం టీ అమ్ముతారు. కాని ఇళ్లలో బాదం పాలు లేదా బాదం టీ తాగేవారు చాలా తక్కువమంది ఉన్నారు. దీనివల్ల అంతగా కలిగే ఆరోగ్య ప్రయోజనాలేమిటి అని ఎవరూ పెద్దగా పట్టించుకోరు. పైగా బాదం పాలు అంటే ఓ లగ్జరీ మిల్క్ లా ఫీల్ అవుతారు. నిజానికి బాదం పాలతో చాలా ఆరోగ్య ప్రయోజనాలున్నాయి. ఒక్క మాటలో చెప్పాలంటే ఇవి ఆవు పాలతో సమానం. ఇంతకీ బాదం పాలతో ఉన్న ప్రయోజనాలేమిటో చూద్దాం.

* బాదం పాలలో సోడియం తక్కువగా ఉండి.., ఒమేగా 3 ఫ్యాటి యాసిడ్స్ ఎక్కువగా ఉండటం వల్ల గుండె నొప్పి, బీపీ అవకాశాలను తగ్గిస్తుంది.
* జ్ఞాపక శక్తి పెంచటంలో బాదంపాలు బాగా ఉపయోగపడతాయి. ముఖ్యంగా పడుకునే ముందు తీసుకోవటం వల్ల అధిక ప్రయోజనం ఉంటుంది.
* మలబద్దకంతో బాధపడేవారు బాదంపాలు తాగితే ఉపశమనం లభిస్తుంది. బాదం పప్పు తింటే ఎక్కువ ప్రయోజనం ఉంటుంది.
* బాదంలో ఉండే కాల్షియం ఎముకల పటుత్వంకు సహకరిస్తుంది. అయితే ఆవు పాలతో పోలిస్తే ఇందులో తక్కువ కాల్షియం ఉంటుంది. కాబట్టి కాల్షియం ప్రయోజనం మాత్రమే కోరుకునేవారు దీన్ని తీసుకోనవసరం లేదు.
* విటమిన్ డి, రైబో ఫ్లెవిన్ కండరాలను బలపరుస్తుంది. కండరాల నొప్పులు తగ్గిస్తుంది.
* బాదంపప్పులో ఐరన్ ఇతర పోషకాలు ఉండటం వల్ల రక్త హీనత తగ్గుతుంది.
* విటమిన్ డి కూడా బాదంలో ఉంటుంది. దీని వల్ల వ్యాధినిరోధక శక్తి పెరుగుతుంది. అంతేకాకుండా ఆర్తరైటిస్, ఓస్టిరియోపోసిస్ ఇబ్బందులు ఉండవు.
* శరీరంలో సెక్స్ హార్మోన్లను విడుదల చేయటంలో బాదం సహకరిస్తుంది. ముఖ్యంగా మహిళల్లో కోరికలను రగులుస్తుంది.

బాదం పప్పును పొడిగా చేసి పాలలో వేసుకుని షేక్ లా బాదం పాలు తాగవచ్చు. లేదా కేవలం బాదంనే పాలుగా కావాలనుకుంటే.., బాదం పప్పులు నీటిలో నానబెట్టి... పొడిచేసి నీటిలో చిక్కగా కలిపి పాలను తయారు చేసుకున్నా సరిపోతుంది.